處女第一次的Do's and Don'ts!

juju

無論係2字頭、3字頭定4字頭,第一次嘅注意事項都係差唔多嘅。

Don't:扮有經驗

如果大家認真發展關係,又講起呢個話題,從容坦白就好,唔使煞有介事懶神秘,亦唔好死充扮有豐富經驗,無謂增加彼此嘅壓力。

 

Don't:太緊張

心情緊張會影響下體分泌天然潤滑劑,然後你哋更加緊張,怕整痛你、怕你唔舒服、怕第一次唔及想像中順利,假如真係放鬆唔到,做埋前戲都乾乾的,不妨準備定潤滑劑,起碼心裏知道需要時有幫手,都無咁大壓力。同埋如果真係緊張過頭就唔好勉強,以後準備好先再試,對方係認真嘅,自然會明白嘅!

Do:準備安全措施

無論你幾多歳都好,都可能會遇上「唔用套,喺出面射」、「唔用套會好feel啲」嘅提議,處理方法好簡單,就係拒絕。保護自己身體係每個人嘅責任,不妨自己預備埋安全套,唔使覺得難為情架。

Do:了解自己身體

唔好等乾柴烈火時先嚟懷疑呢樣、擔心嗰樣,事前了解清楚自己身體構造先,如果以前真係無乜點認真睇真自己身體嘅話,就花啲時間了解囉,搵塊鏡照下,睇清自己啲重要部位,形狀如何、顏色如何、邊個位啲毛需要修剪、皮膚邊啲位比較乾,就唔使到時尷尬啦! 

You may also like