聖誕佳節—五大最殘忍情侶閃光彈!

「聖誕節,剩下單人的剩單節」,就連地表最強嘅佢,係歌詞都咁講。12月,係聖誕節嘅月份,充滿住浪漫嘅氣息……
錯!係嫉妒,慨嘆,毒氣同埋閃光燈至真…

一個人係聖誕節出街就好似去咗戰場,不時都會比閃電擊中。不過唔使驚,單身嘅你哋。依家我哋一齊睇吓五大最殘忍情侶閃光彈,與!世!共!憤!

情侶閃光彈1: 餐廳互相餵大家

聖誕節出街食嘢已經特別貴…是但搵間餐廳食野,前後左右都係情侶你餵我,我餵你咁。然後單身嘅我哋只可以左手食一啖,再換右手餵自己食一啖…

情侶閃光彈2: 尖沙咀海傍聽busking

海傍絕對係個城中熱點,不過一去到聖誕節,海傍就變成戰場一樣,閃光彈在斷橫飛!個個成雙成對聽Busking, 我地一支公就好滄桑咁唱「其實毒自一個更開心,洗乜你講~」唉~~

情侶閃光彈3: 商埸搭電梯依偎大家

吾知點解一踏入聖誕季節,商場嘅扶手電梯變得特別,特別長…咁梗係啦,當你靜靜咁企係右邊,捉住扶手,然後望上去,淨係見到一對情侶依偎大家,然後你再望後面,又見到另一對男女深情對望.....係個一刻,你淨係想扶手電梯緊急煞停!

情侶閃光彈4: 商埸聖誕佈置幫情侶拍照

其實商場都係另一個人間煉獄,一到聖誕就有各式各樣嘅大型裝飾,吸引成千上萬嘅情侶去打卡。單身嘅你哋只要佇足係棵聖誕樹旁幾秒,就會成為受害者

「唔該~可唔可以幫我地影張相呀?」

(強行微笑)「可以~」
個一刻你好似會想特登手震:)

情侶閃光彈5: 全身情侶裝自拍

當你花盡心思去打扮,嘗試令自我感覺良好啲,最後發現一切都係徒勞無功。點解?出街搭車,見到對面一對情侶由頭到腳指尾都係一樣,然後再望下自己對腳,發現自己做左人地情侶鞋啲第三者…然後你會有衝動想點都係下個站落車。

其實,自己一個自拍又有咩好怕喎?

 

You may also like