$100拍拖無難度 - 3種不同風格路線

香港地,拍拖不外乎行街、睇戲、食飯呢啲高消費活動,但你有無諗過,兩個人平平地加埋用100蚊都可以過豐富又甜蜜的一日呢?今次小編們就同男友實試用盡100蚊,去過「扮」上流、「懶」懷舊同「偽」悠閒的一日!

情侶拍拖路線1:「扮」上流

路線: 在家自製英式早餐-> 屯門高爾夫球場->屯門黃金海岸(日落)

一日之計在於晨,要有美好的一天,當然要由美味的早午餐喚醒啦!

小編用左$40煮左個English breakfast,成功撈獲了男友的胃,佢陣間出街仲唔聽哂我話?

 

講到明扮上流,咁就當然要做些好似好高消費的活動—去打高爾夫球。

其實康文署豁下有四個公眾高爾夫球場,今次小編去的就係位於屯門康樂體育中心的戶外高爾夫球練習場 (地址: 新界屯門龍門路54號),場內設有真草練習草坪及沙池設施,並提供共106條發球道。

我地揀左最方便的球道套票,$48一小時包無限量的高爾夫球及一條發球道(最多兩人),再加$12一枝球桿,岩哂我地呢啲咩都唔識但又咩都想試的情侶,$60岩岩好!

 (交通詳情: http://www.lcsd.gov.hk/tc/golf/tuen_mun.html)

打完Golf鬆左身筋骨,就可以出屯門黃金海岸,甜甜蜜蜜睇埋個靚靚日落先翻屋企。

而位於屯門黃金海岸的黃金海岸酒店,入面仲有一個隱世的歐陸庭園添!入面無乜人又夠靜,可以影翻啲靚相之餘,又最岩情侶談談心...

(交通詳情:http://www.goldcoastpiazza.com.hk/zh-hk/location-transportation

情侶拍拖路線2:「懶」懷舊

路線: 茶果嶺村-> 開記冰室(午膳) -> 電車漫遊 -> 油街

於油塘港鐵站B出口步行約15分鐘就到達的茶果嶺村,是隱世的懷舊寮屋區,一間又一間的鐵皮屋,即使雜亂而簡陋,卻有著歷史深刻的印記,事關茶果嶺村在在70、80年代時,是個繁華的小區,充斥餐廳、酒樓、士多、米舖,繁盛非常。

小編話哂都係個小文青,緊係要去影下文青相,「當年今日」一下!

行到攰又見肚仔餓,就可以去裝潢極之懷舊的「開記冰室」醫一醫肚,嗚哇...係濃濃的香港味呀...
(地址: 油塘茶果嶺大街99號)  


接著由油塘港鐵站乘港鐵至鰂魚涌港鐵站,於芬尼街登上電車乘至木星街,沿路感受著窗外的涼風,細看著車外急趕的途人,然後輕輕靠著男友的膊頭,此時此刻就剩下你和他了...

最後一站,當然少不了北角的油街實現!油街實現是一個新興的藝術平台,供藝術人展現自己的創意,同時希望帶動本土藝術發展。

相信你我對這也不陌生,一於拖實男友手仔,開動藝術mode,欣賞本地創作同時影下文藝相,留低啲腳毛啦!

(交通詳情:https://www.lcsd.gov.hk/CE/Museum/APO/zh_TW/web/apo/oi_visit.html)

情侶拍拖路線3:「偽」悠閒

路線: 樂融融(午膳) → 菠蘿山→ 下白泥(日落)

小編見要行山進行體力勞動,緊係唔理三七二十一醫飽左自己同男朋友仔個肚先!

今次介紹的樂融融餐廳位於屯門建生,可以在兆康西鐵站乘坐 505/ 615/ 615P線輕鐵到達建生輕鐵站。

(地址: 屯門震寰路82號康恩園地下)

 



樂融融餐廳是康恩園所成立的社會企業單位,會聘請弱勢人士於不同崗位工作,食物多元化之餘,價錢亦大眾化,menu囊括中西式美食,同時奉送熱飲及餐湯,餐單亦有低脂餐所選擇,岩哂keep緊fit的女士們呀!小編個日食仲送多一塊同由康恩園下烘焙會所製的五殼曲奇,咁食先至係$49咋,都咪話唔抵!

食飽飽就可以起行,搭多兩個輕鐵站到達良景。係良景邨後的菠蘿山目前暫時解封,早幾個月前因軍事理由鎖上登山閘門,但上星期我地去閘門已打開,亦順利登上菠蘿山,沿途不見有任何軍人駐守或警察攔截,貌似已解封。

對於美國大峽谷有一番憧憬的我們,當然是無畏無懼都要睇到菠蘿山!一直沿著大路走,僅僅用了1.75小時就成功到達,比翻個LIKE自己先!

 

沿著菠蘿山向下走,就會到達下白泥,我地用了1.15小時就到達了下白泥,同男朋友仔係士多買枝雪條,慰勞下辛勞的雙腿,之後挽著手仔睇日落,哇,真寫意。有你真好<3!

You may also like