5個小法門提升愛愛表現!

juju

想提升愛愛嘅 能力/表現,同工作、學習一樣,都係要靠多方面去鍛鍊同裝備, 畢竟愛愛都需要一定嘅運動量,唔係瞓喺度就得到滿足。

1. 培養運動習慣:

愛愛會令心跳加速,亦需要體力,如果平時有做開一啲對心肺功能有益嘅運動,例如每日做30分鐘跑步、游水或其他帶氧運動,都可以提升床上表現!

2. 攝取充足營養:

多食對心血管有益嘅食物,例如含omega-3嘅三文魚、橄欖油、牛油果等。

3. 充足睡眠:

如果個人成日懶洋洋、懨懨欲睡咁,自然都無咁大動力去愛愛,因此睡眠質素好重要;而其實愛愛之後,人又會好瞓啲,所以瞓覺同性生活之間,就好似存在住一個循環關係咁。

4. 源頭減壓:

壓力、焦慮唔單止影響生活、工作,都會影響個人喺床上嘅表現同心情,亦會影響高潮快感。日常嘅減壓功夫對個人同感情關係都好重要,做運動有助分泌快樂荷爾蒙,多同伴侶分享感受,增加溝通,都有助舒緩情緒,促進感情!

5. 矯正壞習慣:

一啲依賴性嘅壞習慣,例如吸煙、過量飲酒等,都會對床上表現有影響。

You may also like