5招自製誘惑氣氛,等他主動靠近你!

TEXT: juju

有啲男生比較謹慎(或遲鈍),你已經好鍾意佢喇,佢都仲未意會到,仲等緊個女生俾permission佢,呢個時候你可以主動少少,俾啲較明顯嘅暗示,等佢自動「獻身」。

1. 縮短距離

離遠較難製造氣氛,不妨同佢坐得近啲、並排企時企近啲、搭地鐵時人迫方挨近啲,都能有效縮短距離。咁拉近咗距離之後,就可以用小動作、身體接觸令佢有觸電嘅感覺,就好似掂下手臂、捉住隻手等等。

2. 身體小觸碰

咁又唔使摸佢大髀咁明顯嘅,遞嘢俾佢時,手指掂到手指、匆忙過馬路時主動挽住佢手踭、佢頭髮上有塊落葉,親自幫佢撥好,呢啲小動作可提升親密度。最緊要觸碰嘅時候要溫柔,要過於豪放,更加唔好大大力咁打落去,好有可能嚇走佢架。

3. 細聲講嘢

保持聲浪,咁佢就要挨近啲、專心啲咁聽你講嘢,同埋千祈唔好標高音,聲線低沉啲,聽起嚟會sexy啲架!喺適當時候,仲可以哄埋去佢耳邊度講悄悄話,呢個動作可以為對方帶來心癢癢嘅效果。

 

4. 露少少

男生傾向視覺比較敏銳,你包到密密實實,較難俾到ready to go嘅訊號佢,咁又唔使著超短裙加超低胸,適當咁露出某啲部位嘅皮膚就夠,例如恤衫鈕扣淨兩粒(睇件衫cutting啦),製造若睇到若睇唔到嘅效果、坐低時拉高少少裙腳,露出膝頭以上位置、想密實都得,揀件窄身top或連身裙,show到你身材曲線。

keywords Keywords:

You may also like