克服對愛愛嘅恐懼!

TEXT: juju

有人畏高,有人怕蜘蛛,亦有人對性有恐懼症,性恐懼唔係第一次少少驚咁簡單,要謹慎處理,否則對生活嘅影響可大可小。

恐懼做愛嘅癥狀:

出現強烈嘅恐慌情緒、呼吸困難、心跳加速、冒汗、喊、顫抖、抗拒等反應。

係咪第一次:

如果係人生第一次,有啲驚有啲緊張係合理,始終真係做同睇戲唔同,未必會咁順利,有時仲有啲輪盡添!

嘗試搵出原因:

以前身體上有無試過唔好嘅經歷?係咪有過唔好嘅性經驗?有無對自己身體好無信心?對性有啲唔健康嘅觀念?

搵對嘅人:

你唔願意唔舒服,當然唔好勉強自己。當你搵到你值得信任嘅伴侶,不妨坦白同佢傾,如果唔係佢會以為係佢嘅問題,所以你先唔想同佢親密。

唔好同A片比較:

A片有佢嘅作用,但現實世界唔係個個女仔都擁有裏面啲主角嘅身材,所以唔好咁傻攞自己嚟同佢哋比較,就算你伴侶好鍾意睇A片,正常嘅話佢都會識分幻想同現實嘅。

諮詢治療師:

有問題解決唔到搵人幫係正面嘅事,有時單靠自己力量未必攞到最大效果,請你信任嘅家庭醫生幫你診斷一下有無生理上嘅問題,需要時轉介你去專家度俾合適嘅建議你。

You may also like