完事後要做的5件事!

TEXT:juju

順利愛愛完嘅感覺係好舒服、令人好想瞓覺嘅,但係有幾件事一定要check咗先好去做睡寶寶呀!

1. 檢查安全措施有無出意外

假如你哋有用安全套,最好養成每次做完都check一check安全套有無穿嘅習慣,又唔使驗屍咁驗,用手指輕輕將避孕套裏面嘅空氣咇走,就知無有穿或漏;如果你有食開避孕藥,臨瞓前提一提自己:今日食咗未?未,就唔好懶,起身食咗先。

2. 清理下體時,留意下有無咩異常狀況

女生愛愛完,反正都會用紙巾抹一抹,或者沖個涼整理一下,做呢啲動件嘅時候,順便留意下分泌有無異樣,顏色、味道同平時有無唔同,覺得有懷疑就約醫生睇睇。

3. 適當沖身,唔好太heavy

完事後沖涼,有啲女生可能會感覺下體要比平日沖得更徹底,但其實喺一般日常情況下,都係要溫和對待,用暖水沖沖,或用性質溫和嘅清潔品就夠,過度清潔反而可能會造成敏感。

4. 換返棉質底褲

愛愛前你或者著咗含尼龍或polyester成份嘅性感內衣增加氣氛,完事後記得著返剪裁舒服、吸汗、透氣質地嘅底褲,例如全棉,以保持清爽。

 

keywords Keywords:

You may also like