對處女膜的4個常見誤解!

TEXT: juju

近年坊間較以前多咗人討論處女膜修補手術,一直以來唔少人對呢個身體組織有啲誤解,認為處女膜完整=貞操,其實...... 

處女膜係乜嚟?

其實係環繞陰道嘅一片組織,但其實並唔係完全遮蔽住陰道口嘅,通常中間有一個開口,經血會由呢個開口流出體外。


誤解1:處女膜完整=處女身

處女膜唔決定一個女生係咪處女,有啲情況例如劇烈運動,都有可能導致處女膜破裂,即係處女膜唔完整,唔代表嗰個女生有過性行為;亦有情況係經過多次性交,處女膜都仲係完整。



誤解2:處女膜破裂時會有血流出嚟

處女膜破裂唔一定會流血,如果處女膜破裂嘅位置剛好無血管,就算穿咗,都唔一定會流血。初初有性行為嘅女生如有少量流血情況出現,都可能係因為陰道未夠濕潤、性經驗同技巧不足,以致粗魯咗,整傷咗陰道組織。

誤解3:第一次性交,處女膜就會破裂

答案同誤解1差唔多,處女膜唔一定會喺第一次性交時破裂,有啲情況係經過多次性交先破裂。

誤解4:第一次性交會痛、唔舒服係因為處女膜破裂

都有幾高可能係因為緊張、成個人放鬆唔到。

keywords Keywords:

You may also like