男生底底的秘密!

TEXT: juju

一個人選擇著咩衫,固然反映佢嘅喜好同個性,而佢著喺褲裏面嘅底底,同樣可以俾到一啲了解佢多一啲嘅有用資料你!


1. 全白阿爸款

著呢啲底褲係有啲老土,著得呢啲「基本」 款式,說明佢係一個好實際、唔介意潮流嘅人,亦可以話佢係一個實幹、無嘢難到佢嘅人,因為佢唔介意人哋點睇佢,忠於做自己。

2. 鬆布Boxer款

呢個形象幾切合唔係好識照顧自己日常生活、成間房亂七八糟嘅青少年男生,如果佢已經唔係得12歲,咁即係佢仲係大細路一個。

3. 四角褲(Boxer briefs)

佢識平衡生活,知道幾時應該享受,幾時隨意啲都無所謂,與此同時,佢比較知道女生想要啲乜,了解女生。

4. 三角褲

佢個性傾向習慣抓緊過去,唔願放手,佢好可能由細個開始著呢款底款,亦從來無諗過有必要轉款。呢種男生可以話比較專情,但亦可以話比較唔願放開,接受新事物。

5. 唔著底底

呢種選擇較為少有,但唔好以為佢哋係鹹濕,其實好可能係佢哋覺得人生有好多事俾洗衫做家務更重要。

keywords Keywords:

You may also like