4個夏日運動女生衛生小貼士!

TEXT: juju

夏天好快就到,好多姐妹都享受運動帶來嘅樂趣,但大家有無忽略運動後個人衛生呢?夏天運動之後,下體容易出汗之餘,仲會有怪味,如果你都有呢啲問題,就要睇下點樣保持衛生!


1. 密啲更換護墊

平時如果有用開護墊或MC期間使用衛生巾,應2至3小時更換一次,避免滋生細菌,運動之後就更加要快啲更換,否則唔單止有怪味,仲可能會引起陰道發炎。或者有另一個選擇,MC期間改用棉條,更適合鍾意運動嘅女生,除咗唔怕滲漏之外,又唔使擔心做運動時護墊會移位外露,甚至跌咗出嚟!


2. 穿著透氣性衣物

近年好興跑馬拉松,多咗好多女生玩長跑,運動期間避免著透氣性唔好或太貼身嘅衣物,有做開運動就去買啲透氣度高嘅運動衫,唔好因為唔透氣搞到大髀內則有汗斑。


3. 用溫水淋浴

運動之後,如果可以的話要用溫水淋浴,沖洗外陰部後,再以乾淨毛巾輕輕印乾,唔需要特別灌洗陰道嘅。


4. 帶多套衫

如果你係一個大汗女,咁去運動時最好多帶一套運動衫,包括底衫褲,運動之後換返套乾爽衫褲,人都爽啲。

keywords Keywords:

You may also like