同屋企人住?5招提升愛愛質素

TEXT: juju

而家多咗情侶/夫妻同屋企人一齊住,雖然有好多好處,但都有唔方便,例如兩個人想盡情愛愛呢,就要就住就住,或者吼準得兩個人喺屋企嘅機會,咁比較被動囉,不過都有方法將好時光嘅質素提升嘅!

1. 買張優質嘅床:一路做愛,個床框一路發出各種聲音係尷尬嘅,所以投資一張實淨、鉸位唔會容易鬆脫嘅床係值得,再喺床下底墊張地氈,都有助吸走大動作時製造出嚟嘅震盪。

2. 慢做:慢嘅意思唔係計全程時間長短,而係動作上唔係急住嘭嘭嘭咁做,而係一下一下咁深入推進,彼此望住對方眼睛,一來咁可以製造少啲聲響,二來盡量唔嗌出聲,用自然嘅表情流露出你哋嘅感覺同享受,呢個境界係可以好刺激嘅!

推薦一部電影俾你:《黑金碟戰》(《MOBIOU》),男女主角喺戲裏面有幾場深刻嘅做愛片段,都係無聲勝有聲。 

3. 鼓勵屋企人去玩:留意住有咩家庭同樂日活動,一見佢哋有咩戲想睇、有咩演唱會想聽,就起勢鼓勵,甚至出錢請埋佢哋去睇,咁你同另一半起碼有半日時間可以享受二人世界。

4. 練習速戰速決:好多前戲嘅性愛係享受,但fast sex都有佢嘅樂趣同好處,快,唔等如求其交貨,你哋可以因為呢個目標而摸熟彼此最愛嘅刺激方法、咩姿勢最舒服最有感覺,建立默契,成為性愛上嘅最佳拍檔。

5. 嘗試camping嘅樂趣:camping本身就係好好玩嘅活動,兩個人一齊接觸大自然,成晚瞓喺草地望住滿天星,極速提升二人親密感,淨係攬攬鍚鍚都有feel好多。

keywords Keywords:

You may also like