拆解!男生已割包皮vs未割包皮嘅3大疑團

TEXT: juju

有啲男生割咗包皮,有啲未割,有啲女生覺得割咗包皮會乾淨啲、好睇啲,有啲又無乜所謂。對於男生嘅包皮,我哋女生又知幾多呢?

割包皮vs未割包皮嘅3大疑團 

疑團1:做愛感覺有唔同?

對女生嚟講,未必有咩唔同,如果覺得礙眼,用手輕輕推返向男生身體嗰面,見到龜頭,睇落就同割咗差唔多。而且陰莖勃起咗之後,有無割都係差唔多樣。如果你哋有用安全套嘅話,就更加感覺唔到分別。 

但對男生嚟講,可能係有分別嘅,無割包皮嘅陰莖對一啲外來接觸會比較敏感,因為相對起割咗嘅嚟講,無割嘅話,龜頭被日常同衣物磨擦嘅機會較少,皮膚都嫩啲。

疑團2:割咗硬度持久啲?

既然未割包皮嘅陰莖相對較敏感,男生有可能會更易到達高潮、射精。不過持久度呢方面,主要都好講經驗同控制(仲有健康狀況),男生隨住經驗、氣氛、配合伴侶等技巧嘅累積,自會由血氣方剛、心急嘅階段去到收放自如嘅階段。 

疑團3:未割包皮容易儲污糟嘢? 

要睇返男生嘅包皮本身有無過長嘅問題,而且最重要都係個人衛生問題,個人本身求其,有無割包皮都一樣係求其。 

一般嚟講,割咗同未割包皮嘅日常清潔工夫都係差唔多,未割嘅只要沖涼時將包皮拉出來沖洗就得。



知多啲>>>包皮係啲咩?

係包住龜頭同陰莖頸溝部位嘅皮膜組織,平時龜頭同陰莖都喺包皮內,喺勃起時先會突出於包皮外。

You may also like