港姐:他最愛的是他自己

CG:

你好,我叫c仔,我係一個小三,男朋友有一個5年嘅女友,兩年前更開始同居。我24歲男29歲女友28歲

一次緣份嘅注定,令我認識左佢。傾咗一個月,大家更發展關係,一齊左就10個月多,我同佢都覺得有將來,大家都會日日見,好多事更會促膝詳談,乜都傾一餐,大家眼中比正常情侶份外甜蜜,一齊好舒服,佢更應承我會同同居女友分手,強調因為同女分有太多關係,例如金錢上,住屋上(因男方有自己物業),種種原因又因爲唔捨得,一直都拖住大家。

我同男方有9成時間一齊,前排更一齊去旅行,都知男方好愛我,同男方最大問題可能就係有時鬧交會好激心,但次次鬧完交,最後大家都會笑笑口,感受到佢好愛我同保護我。我之前更加有咗佢bb,本來以為有咗bb,可以黎個痛快,但最後大家商量過後,決定唔要bb,依個係一個好痛苦嘅決定,我都因為咁成日發惡夢,仲覺得自己有抑鬱,但種種嘅事,都另大家更愛護對方,保護對方。

而女方又奇怪從來冇懷疑過男方,唔知真傻都扮蠢,男方都一直叫我比啲時間去處理。

直到一次,我終於接受唔到,我follow 女方ig公開自己ig 比佢睇到我倆嘅合照,我知道,我咁做好過份,但我一直認為,女方有權知道發生緊乜事。

事後,女方接受唔到而崩潰,男方更覺得自己偷食內疚,決定同我斬欖,當住女方前係電話同我講,永遠唔見,要同女方重修舊好。我當然都崩潰,因為我真係為依段愛情付岀好多,男主同女方前排去完旅行,但其間男方都不斷主動搵我,話掛住我好想面,返到香港,男方主動同女方講,其間一直諗住我,太多回憶。

最後,女方搬離男方屋企。都同我講雖然分開住,但都要啲時間分開。

我真係好愛佢,因為真係發生左好多事,同佢又好似喺返埋一齊咁,對住佢依家只想簡簡單單。

琴日佢同我講,想分手,佢話,兩段關係實在太複雜,唔想再拖住兩個女仔,話同佢一齊5年,同佢相處冇我咁激心,雖然佢哋冇溝通,好多事都唔會好似我同佢咁,傾一餐,但係佢較容易放棄我。

我唔甘心,唔甘心到最後都話要分開,得唔到佢。

 

不甘心的C:

如果你說這是一次註定的緣份,那麼這很可能是一場孽緣。又如果如你所說他真的很愛你,那麼他怎麼會要你墮胎?怎麼會死不跟女友分開?怎麼會在她女友發現後還是選擇她而不是你?

我不知道他到底愛不愛你,或是愛不愛他的女友,但明顯的是,他最愛的其實是他自己。所以他為了滿足自己,可以傷害他(所謂)愛的人。

你「不甘心」,對方的女友跟他一起這麼多年卻被這樣背叛與欺騙,難道她甘心?世上有很多事,你多不甘心都沒有用。

若真是如你所講,這是註定的緣份,那麼同樣地,這段緣份的終結,也是註定的。既然緣份已盡,你再不甘心,都要甘心。

港姐

港姐(JPG)

 

港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。

 

 

**如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

You may also like