快速解讀男生嘅6個身體語言

juju

 

 

男生唔係講嘢叻嘅物種,其實佢哋諗乜,可以喺啲身體語言上反映得到,畢竟無論佢哋扮到懒cool,內心都好似個細路仔咁,好容易俾人睇穿!

1. 眼神接觸

如果佢成日望住你,即係佢對你有興趣,尤其是如果佢會同你四目交投嘅話,即係佢想你知佢對你有好感。但亦有情況係,佢鍾意你但又怕醜唔敢多望你,咁就要留意佢係一有機會就靜靜雞望你,你一望返佢佢就望第二度吖?定係佢真係對你無乜意思,所以唔望你喇。


2. 戚高眼眉

呢個係一個頑皮又自信嘅表情,如果佢同你一見面就做呢個表情,表示佢覺得你有趣,想同你傾偈或hang out。

3. 雙手擺自己pat pat上

呢個係典型顯示power嘅身體語言,佢想喺你面前表現得man啲。

4. 摸領呔

佢不自覺咁摸呔、摸頭髮、摸臉,顯佢想同你close啲,亦帶有flirt flirt哋嘅意味。


5. 聳肩

表示佢對一啲嘢唔係好肯定,對於你講嘢嘅內容唔係咁投入。


6. 撓手或撓腳

呢個係自我保護意識好強嘅動作,佢想保護自己,如果佢成日都係咁做,可能表示佢只係緊張,但亦可能係想同你保持距離!

You may also like