心理測驗:從情人的笑容看個性

TEXT: juju

由一個人平時嘅笑容,可以略知佢係一個點嘅情人,喺啱啱識時,不妨留意下佢點笑。佢平時微笑時通常都係……

愛情, 愛情問題, 男女相處, 兩性相處, 男女關係, 愛情關係, 愛情貼士, 同居, 同居 問題, 同居 注意, 情侶 同居, 感情 陷阱

A. 露埋牙肉

B. 唔見牙齒

C. 習慣性用手遮住下

分析:

A. 露埋牙肉 -- >率性型

佢有啲藝術才華,個性爽朗率直,好容易會對人表露自己情感,頗受朋友歡迎,但同時佢哋面對誘惑嘅機會較多,令佢哋睇起嚟無咁易定落嚟。同佢哋一齊,可能拗撬會多少少,因為佢哋個性比較鮮明,會好直接咁將諗法表達出嚟,如果你個性都唔係咁內斂的話,磨擦就難免會多啲。

B. 唔見牙齒 -- >頭腦型

唔少領袖人物、商家都係笑不露齒嘅人。呢類型唔會隨便表露自己對別人有興趣,除非佢哋都幾肯定會成功,佢哋唔會隨便拍拖,同得你一齊,通常都好專一、好珍惜。頭腦轉得快又乜都擺喺心裏面係佢哋嘅特質,所以即使遇到啲咩問題,佢哋都會將事情處理好,將傷害減至最低。

C. 習慣性用手遮住下 -- > 曖昧型

呢類型習慣模稜兩可,唔鍾意將啲嘢講到好實,所以「應唔應承」、「去定唔去」、「鍾唔鍾意」呢啲,少啲耐性都會俾佢哋激死,其實佢哋係因為缺乏自信、比較內向先會咁,當佢哋真係鍾意你、感情穩定時,佢哋會係幾易相處嘅伴侶,對另一半好易話為,甚至乎有啲怕老公/怕老婆feel!

keywords Keywords:

You may also like