4大約會尷尬炸彈逐個拆!

TEXT: juju

初次約會要去便便係尷尬,但好似最近嗰單英國趣聞咁,個女生去完廁所無水沖,想將便便拋出窗,仲要俾隻窗卡住要搵消防員救駕,就真係...!天意弄人,尷尬嘢難免會隨時出現,知道點執生可以盡量將大事化小!

尷尬事1:約會中途要去便便,甚至搞肚痛...

拆解:盡量搵廁所5分鐘內完事,但唔使話俾對方知你係去便便嘅,最好揀喺coffee shop、商場、酒店嘅洗手間去,咁佢等你時有啲嘢分下心。

如果你知道自己無辦法快手搞掂,就要當機立斷,同佢講你唔舒服,要返屋企休息,寧願下次再續,都唔好破壞咗呢次約會。

尷尬事2:對方有菜攝喺牙罅度


拆解:佢去廁所照鏡先發現你明明見到都無話佢知,佢會仲難受,所以不如早啲同佢講,例如「啲菜好新鮮,但有啲攝喺我牙罅度,咦,你好似都有少少。」 然後遞牙簽俾佢。

尷尬事3:仆低

拆解:呢啲事喺first date時有發生,尤其係女生著咗高踭鞋或者新鞋,如果真係仆低咗又無乜大礙,快快起身,話佢知你okay,等呢個尷尬moment快啲過去,跟住落嚟啲時間盡量小心行路。

如果佢有心拖住你,而你又okay佢,咁就乘機蹺住佢手囉。

尷尬事4:倒瀉嘢/打爛嘢

拆解:通常唔係倒咗落自己套戰衣度,就係潑咗落對方度。呢啲情況可以嘗試盡量避免,例如唔好飲咁多酒,飲多咗真係好容易倒瀉嘢!

Order菜式時,唔好叫多汁、食得論盡嘅菜式。如果真係整咗喺自己度,從容咁去洗手間清理,笑下自己;如果係整污糟咗對方,道歉、 幫佢清理返,重點係唔好小題大造。

keywords Keywords:

You may also like