分手後仲有必要交流,做人Ex要注意的4種風度!

TEXT: juju

有啲情況係:雖然感情告一段落,但大家仲有工作上嘅交往或share重疊嘅社交圈,彼此都變成咗對方嘅Ex,都無得話邊個hard唔hard feelings喇。想相處自然、減少尷尬事,就要注意身為Ex應有嘅風度。


1. 唔好恃熟賣熟

呢個係唔少人做咗Ex嘅通病,好似會一時唔記得咗而家大家身份已經唔同咗,見到對方仲會同人講:「呢,呢個人囉,成日都係咁咁咁架啦!」 呢啲說話好容易會令你個Ex、佢現任,或其他人以為你對佢仲有嘢。

大家聚埋一齊傾兩句,最好都係講啲大路嘢、人人都啱傾嘅嘢,免得跌落「話當年」嘅陷阱。


2. 唔好狂曬命

就算你而家過得有幾好、現任幾正都好,都唔使喺Ex面前狂講,咁樣只會俾人誤會你仲係有嘢放唔低,如果人哋問起,就客客氣氣話自己過得幾好,然後傾第二啲嘢。





3. 唔好一時衝動

人有時係不免懷舊,尤其係事情已事過境遷,就自然傾向淨係記住啲美好事物,見返Ex,有時係仲會有啲情緒、有啲感覺走咗出嚟,但唔好俾呢種感覺牽住你走,要記得當初點解大家work out唔到,避免自己因一時觸動而迷失。


4. 唔好飲大咗

出席啲有酒飲嘅場合就要節制,一時飲醉咗失儀,大笑、大喊、狂講嘢...就算你講嘅嘢同佢無關,都可能會令醒返嘅你後悔架!

keywords Keywords:

You may also like