實體上分手了,Digital上也要分...…

TEXT: juju

喺數碼時代,分手要做嘅功夫比較多,尤其對喺social media活躍嘅人嚟講,最近又有女星喺分手後私密照被流出,雖然未必是Ex洩露,但係點都傷腦筋,所以如果要分手,大家交待清楚,唔好懶呀! 

注意事項1:相片處理

無論邊一方提出分手都好,都要心平氣和咁商量有無邊啲相唔好keep?存咗底喺邊?有無遺漏?有時唔係信唔過對方,而係意外真係會發生,例如唔見手機、電腦不幸被hack、被新戀人見到呢啲相etc.。長氣都要講,喺影或傳私密照時,要諗真係咪承受到唔小心外洩嘅風險。

注意事項2:重設密碼

有啲情侶嘅相處係無乜「秘密」嘅,但係去到分手,最好盡快搞清楚啲網上戶口密碼、social media戶口、電郵戶口密碼等等,免生誤會。

 

注意事項3fb戀愛狀況

呢樣嘢遲早都要俾人知,不過又唔使update到呢頭分手,一個鐘之後就轉嘅,唔想拖太耐,又唔想咁awkward,可以選擇先hide咗個fb 個戀愛狀況一段時間,以後有新updatepublic返。

 

注意事項4ununfriendunfollow

如果見到ex啲嘢會阻礙到你復原,不妨unfollow佢(或佢啲fd)啲updates先,唔使覺得唔好意思;至於unfriend,對方唔會知,但如果有一日你想add返佢就要重新邀請。至於你自己啲新feed,盡量避免啲怨氣沖天或明串暗串嘅內容/quotes;如果你會忍唔住追蹤ex啲近況,最好都係搵辦法做啲其他事,分散注意力,減少上網,因為咁樣自己都好傷身架!

小資訊:

2015年德國法院有一個案例係咁:分手後,男方要delete女方全裸、半裸或喺性交時、性交前後拍嘅相。

You may also like