心理測驗:睇下你有幾感情用事?

TEXT: juju

理智與感情,你傾向俾邊樣嘢帶住你走多啲?

假如你被誤會有精神病,俾人送咗入精神病院,你會點做?

A. 盡力同佢哋解釋你係正常人

B. 鬧爆佢哋搞錯咗

C. 按兵不動,搵機會求救

D. 靜靜雞走人

分析:

揀A 感情用事指數90(100為最高,下同)

一講感情,你就會不由自主咁將自己全個投入去,工作、朋友、家人,總之所有嘢都要讓路,屬於執着型,如果感情發展順利還好,但稍一不慎,有咩差池,你就會大受打擊,受唔住自己一片真心卻付諸流水。記住:只要唔try too hard,打理好自己身心靈,好事自然會來。

揀B 感情用事指數40

你習慣憑住過去唔愉快嘅經歷嚟做今日嘅抉擇,保護自己,自我防衛意識非常強烈,會不斷用理智去告誡自己唔可以重蹈覆轍,屬於理性大於一切型。從過去經驗吸取教訓係好,但唔好俾過去唔好嘅經驗局限住自己,令到自己乜都唔敢試唔敢做,咁樣會錯過好多好機會架!

揀C 感情用事指數60

你有種唔服輸嘅個性,加上少少完美主義,總係希望付出與回報成正比,但如果事情唔係如你預期所願,你會不惜代價,諗盡方法,出錢出心出力咁去填補,但要小心唔好俾自己為啲唔值得嘅人/事拖太耐,搞到人財兩失,要識得喺適當時候cut lost,保障自己!

揀D 感情用事指數20

你份人非常理性,識得衡量輕重,睇事情睇得通透,知道點樣去應付感情上嘅糾紛,你好少會俾人形容為「感情用事」。喺一段感情裏面,你反而會係令對方感情用事嗰個!愛上你嘅人都會死心塌地、願意為你犠牲,所以假如要分手,有啲人會覺得你顯得太冷靜。

keywords Keywords:

You may also like