李專:一個男孩真的愛你,不管他有幾內向和低調,也會做主動和有勇氣公開

你好,

最近我同一位認識了兩年嘅好朋友突然變成了友達以上嘅關係,戀人未滿嘅關係。

都坦白承認,唔知幾時對對方有好感,但係佢嘅前女朋友仲不斷搵,雖然佢哋名義上分手,但係仲未同屋企人講,仲叫我等解決咗同理清楚知自己想要咩,再同一齊。

平時我會好似情侶咁,同出街的時候拖我隻手,攬我,錫我,次次我都無抗拒。但係佢喺朋友面前,會好緊張咁重申我係朋友關係。

咁嘅關係已經維持一個月,每次我問點解唔同我表白,佢都會唔出聲,仲話我俾緊壓力佢⋯⋯其實我只係想要清清楚楚嘅關係。

因為我好憎複雜嘅感情關係,亦因為以前的經驗,唔想再浪費時間再等人。

呢段時間除我,都同一個女仔既關係好close,試過話有野忙緊,連電話都唔記得收線,我個陣開緊speaker,點知一分鐘之後,我就聽到一把女仔聲,原來用緊電腦同呢個女仔傾電話。

半個月之後,我同出緊街嘅時候,手機傳來一個訊息 ''from XXX bb  MSG'',當我見到之後我忍唔住話,點解呢個女仔成日搵你,同理手機set 咁嘅名,佢就話係朋友嚟㗎咋,唔好諗咁多,原來呢個女仔自己喺佢電話set bb,一開頭唔知。

我嗰下真係好唔開心,明明叫我等佢,但同時就同其他女仔咁樣。可能呢個都係成日話自己好亂,唔知自己諗咩,對我忽冷忽熱嘅原因。我未正式一齊已經咁,我係咪應該要放棄呢段關係?

Rainie

 

Rainie 

當一個男孩真的愛你,不管他有幾內向和低調,也會做主動和有勇氣公開,介紹你進他的生活圈裡,讓你正式成為他生活的重要部分,不會讓你空等,更加不會碰曖昧,給你患得患失和離他而去的機會,彷彿愛情友情都一樣。

唯有對你不夠真誠的人,才會像現在這樣,即使你用尊嚴去追求他;用時間苦等一份情,他還要做裝睡的人,自動忽略了你的感受,甚至反過來斥責你迫他、為他增添煩惱,因為這㮔人在感情往往不懂體會你的心酸,更不會反省自己的問題,只在意個人的喜惡。

就算你怎樣自欺欺人,傷了好幾次、失望了多次仍選擇堅持下去,以為這樣熬過來會有好結果,最終你肯肯定會發現,你等來的不是真愛,而最多只是憐憫;換取的不是真情,而最多只是同情。 

搞不好的話,你更會遲早發現,原來一切均只是你的以為,即使你悄悄刪了他也無大礙,因為他的世界裡真的可以不缺你一人,他可以忍得住很久不找你。 

因此,既然總是被忽略和不被珍惜;既然明知硬擠了一個不屬於你的世界,何必還苦苦低聲下氣,作賤自己難為別人? 

別等了,他要是認定了你,早就認定了。

需知道,有一種放下,並非來自突然捨得,而是任性夠了、認清現實了、成熟多了,清楚是時候翻開下一頁了。記住一份值得你珍惜的感情,不是「1P模式」的追逐,是互相吸引;不是死纏難打,是順其自然;不是忽冷忽熱,是珍而重之。

李專上 

李專,愛情專欄作家。1988年移民地球,2014年9月16日開始馬拉松式網路寫作。曾於室內設計界打混,後覺得非自己理想生活,轉行做寫稿佬。

**如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

keywords Keywords:

You may also like