3招令男生喜歡和你相處!

TEXT: juju

戀愛真係要甜甜蜜蜜先好,有啲女生成日一舊忟薑咁,幾有耐性嘅男生都唔想keep啦!要男生想keep住你,先要具備值得人keep嘅條件。

1. 好相處

唔係無諗法嗰啲,係心胸闊、有好奇心、幽默感嗰種。有質素嘅男生都會識欣賞唔悶蛋、能引佢哋發笑嘅女生,舉例咁啱大廈停電,與其發愁,不如提議就去outdoor picnic、camping;唔會樣樣嘢都set個框框死自己,例如邊啲嘢一定唔食、邊啲人一定唔同佢hangout咁;呢種態度,可以大大減輕相處嘅壓力。


2. 有視野

扮靚、旅行、愛情等,無錯係好多女生最關心嘅事,但如果一個女生對感性以外嘅嘢都有興趣,會令男生感覺更親近,例如一齊睇戲都鍾意睇下science fiction、具備基本理財知識、知道近期股市/社會發生咩事、對未聽過嘅嘢會上網搵下資料、講下邏輯,男生覺得更容易同你溝通。


3. 真誠

雖說男生容易被外表吸引,但長遠嚟講,如果相處落對象表裡不一、唔係真心,佢哋都會考慮大家適唔適宜長遠走落去。

You may also like