李專:真正能夠長久的感情,是需要用心磨合的,但不需要勉強扭曲自我

您好!

我同我男朋友拍拖三年幾。我男朋友對我好好,好錫我,間中會買小禮物俾我氹我開心,大家相處有好多開心嘅時候。

不過,我哋有好多事、好多諗法都有好大分歧:
(1)平時出街食飯,我會清晒所有食剩嘅食物,諗住唔好浪費;但佢就唔鍾意我食咁飽,因為佢見我已經肥。
(2)佢鍾意我著短裙同高跟鞋,但我唔鍾意,我比較鍾意著褲。
(3)行街時,佢諗住揀啲佢希望我會著嘅裙、衫,但我唔鍾意佢揀嘅品味。
(4)我鍾意食嘅食物,佢通常都唔鍾意食。
有時我唔聽佢講,佢就大發脾氣,因為我男朋友係個大男人,好多事都鍾意控制住我,佢希望我多啲聽佢講,唔好同佢作對。
好多時一唔聽佢講,佢就發脾氣,會鬧我;每次佢一鬧我,我就會喊。為咗唔想見到佢發脾氣或者黑面,我間中都會著靚少少,扮食飽,扮鍾意佢揀嘅衫,但有時覺得忍得好辛苦,同佢相處就好似冇咗自己咁,覺得好大壓力,有時甚至好怕見到佢。反而唔洗見佢嘅時候會覺得輕鬆,因為可以做返真正嘅自己。

最近大家討論結婚,發現越來越多事有好大分歧,佢想去歐洲影婚紗相,旅行結婚。我就想喺香港影,香港結婚,因為我覺得香港係我哋成長嘅地方。唯一相同就是大家諗住只請親戚食飯。

呢幾年,我哋都互相忍讓。一鬧交都會同對方道歉。佢成日好容易就發脾氣,其實佢都知自己脾氣差,都知我忍佢嘅脾氣忍得好辛苦。但將來,我唔知會唔會越來越忍得辛苦,同埋唔知仲忍唔忍到。而家有時忍得好辛苦會喺屋企喊。其實我同佢都知大家有好多諗法都差好遠,經常都是180度相反。最近我哋傾分手會比較好,因為佢唔想見到我忍得咁辛苦,但大家又唔捨得。請問你有什麼意見?謝謝。

淇淇

淇淇:

真正能夠長長久久的感情,磨合和退讓是需要的,但這不代表需要虛耗巨大精力刻意取悅和經營,抑壓和扭曲最根本的自我,無法做到兩人都順其自然的舒服共處,不然的話,就算你們愛得再深,這也註不會是陪你們走到最後的緣分。

事實上,問題的核心內圍不是他不愛你,是他不懂以你所需的方式愛你,故此才牽著你的鼻子走,期望你往往聽他的,結果整段關係變得事倍功半,你愛得吃力,他受得不自如。

起初的階段,你尚能介意甚麼又退讓甚麼,但當愛情的盲目過了,即使你怎樣自欺欺人,你的內心也會告訴你這是一場慢性折磨,多於是一種幸福。
承認吧,當你在這段關係中漸漸失去快樂的感覺,不開心多於開心;眼淚多於笑容,這其實已是一種重要訊號,告訴你這未必是合適的感情。

需知道,對的人是不會讓你抹殺自我,成就感情,卻是願意陪你一起進步成長,既有一片屬於大家的青山綠水,又保留著各自屬於自己的天地,即使彼此偶有不合,亦願意你改一些、他變一點,慢慢成就最有默契的一對。

在一段天長地久的愛情裡,深愛的確重要,但雙方能以一起舒服的方式過日子,卻更為重要。

是的,或者你會覺得這樣放手很可惜和浪費,但你我不得不承認,生命中註定有些人是拿來成長;拿來告訴你甚麼才是最適合的。縱使事與願違,但相信我,只要別自暴自棄,積極做好自己,人生不會虧待你,會讓你遇到最正確的人。

李專上

李專,愛情專欄作家。1988年移民地球,2014年9月16日開始馬拉松式網路寫作。曾於室內設計界打混,後覺得非自己理想生活,轉行做寫稿佬。

**如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

keywords Keywords:

You may also like