心理測驗:你得男生鍚嘅指數有幾高?

女生得唔得男生鍚,除咗睇對方個性之外,同自己本身都有關架!想知自己係咪容易得男生鍚嘅女生,玩下呢個測驗囉!



假如你跌咗入森林裏面一個好深嘅洞穴,無人救你,你最怕以下邊種死法?

A. 俾幾條大蠎蛇纏到窒息至死(> <)
B. 俾一堆毒蜘蛛咬死(> <)
C. 俾一堆老鼠一啖一啖咬死(> <)



分析:
揀A 得人鍚指數 20

你聰明、做事認真、能幹,有頭腦、講原則,屬於個性強烈嘅女生,有時有啲嘢叻過唔少男生同女生,所以講到俾人鍚,不如講下你幾叻鍚人、照顧人好過。對另一半,記得不時要放下威嚴,俾啲溫柔鼓勵;至於你自己,想人鍚時,就直接講出嚟,你嘅另一半會好樂意逗你開心架!



揀B 得人鍚指數 50

你嘅個性通常都係乜都自己搞掂,有苦自己知,不過其實你內裏並無你外表咁堅強,久唔久都要人鍚返。記得唔好淨係掛住做嘢,不時要放低啲重擔,俾空間自己唞下氣,亦要俾另一半知多啲你嘅感受,如果唔係,佢會以為你真係好捱得,咁你就慘喇!



揀C 得人鍚指數 80

你身邊嘅男人應該好肯鍚你!你與生俱來就有種得人鍚嘅魅力,年輕時,你係嗰種男生見到就想呵護你嘅類型;即使你年紀大咗,都會越嚟越有女人味,睇起上嚟總是好美。你另一半會總係掛住你、唔捨得你,大概係因為你無論喺咩人生階段,內心總保持住小女孩純真嘅一面。

keywords Keywords:

You may also like