身邊總有一個Saving哥!隱世暖男速搜器

TEXT: juju

嗱,最近唔少女生個心都俾電視劇中嘅暖男角色Saving觸動到,其實有邊個女仔唔想有人鍚吖?之但係暖男世間罕有,呢啲機會係咪屬於你嘅呢?

搜尋暖男Step 1:張開心眼

或者暖男就係你左近,不過你一直留意唔到,記住,搵暖男第一守則,係睇佢個心,而唔係睇佢外表/成績/地位/才華,暖=窩心是也,喺現實世界中嘅暖男,未必有胸肌同腹股、未必識自彈自唱、未必識冧阿婆、未必專一又決斷,亦未必大大隻夠力搬西瓜,更加未必以上樣樣有齊集於一身架!

搜尋暖男Step 2:唔好俾壓力

坦白講,而家可能唔少男生都面對好大壓力,懼怕西瓜當造時節嘅來臨...人人表達心意嘅方法都唔同,多啲留意你身邊嘅男生/男友對你好嘅時候,即使只係問你一句:「凍唔凍?」呢啲關心都唔係必然嘅。

當你習慣將呢啲小心意看成小確幸,就自然會越嚟越留意到邊啲男生對你最體貼。

搜尋暖男Step 3:世上沒有完美

就算俾你遇到近乎90分嘅完美暖男,都要提醒自己每個人都有缺點,或者你總有覺得佢唔夠好嘅地方,呢啲係人之常情,當你發現佢嘅唔完美時,要提醒自己唔好掛住針對/放大佢嘅缺點,要時時記住佢種種嘅好,咁先可以maintain到健康嘅感情關係!

吸引暖男Tips:就係自己都要時時俾到溫暖感人,有來有往囉!

keywords Keywords:

You may also like