好感大增!你懂得回男生訊息嗎?

TEXT: Alva L. edited by P

喺呢個機不離手嘅年代,人人都有不同線上聊天工具。好多時用言語難以面對面講嘅說話,利用文字加上生動嘅表情符號,就可以省卻尷尬氣氛,較容易表達出心中想法。所以,點樣可以喺冷冰冰嘅文字上表達心中所想,將自己心意傳達俾對方,表情符號Emojis就成為非常重要嘅角色。

男生喜歡以Emojis開頭的對話

男生喜歡直觀情緒表達,先以Emojis開頭可以即刻了解到對方嘅心情,比起要先睇哂一整句內容再有Emojis,都係以Emojis行頭較能引起注意喔。除此之外,根據分析,發現如果以Emojis開頭,男生回覆的機率比女生多出8%,大家都不妨試試啦!

留下美好印象的Emojis

有分析表示,男生最喜歡嘅Emojis有:笑笑樣😊、調皮眨眼樣😉、同笑到喊樣😂!利用開心又帶點俏皮感嘅Emojis,佢哋就會覺得你對佢都有好感喇。建立完第一個好印象後,試試喺後續嘅對話中用喊喊Emojis😥,用撒嬌可愛感讓男生融化。(奸笑)

千萬不能用的Emojis!

要注意令佢哋失去好感嘅Emojis有:戒指💍,男生可能會覺得你想佢哋買貴重禮物俾你,會令佢感到壓力;無奈Emojis(-_-),或是屎💩,呢類Emojis都帶有不屑、貶低嘅意味,他哋可能會覺得自己講錯嘢,如果你成日用呢類Emojis,都會減低他哋同你傾計嘅熱度架喇。

Emojis可以幫我地喺對方心中留下好印象,不妨笑多啲,避免踩中地雷,增加戀愛成功率啦!

You may also like