重複失手愛錯人的4大原因!

TEXT: juju

好奇怪,有啲人會重複愛錯人,總係遇到差不多款嘅wrong guy,然後傷心完一次又一次,其實當中可能有個pattern喺度,或者知道咗因由之後,以後可以提醒自己唔好重複犯錯。

常見原因:

1. 兜圈效應:

一次半次遇到衰人,可以話係一時意外,但如果重複呢,就有可能係人類傾向被熟悉嘅嘢吸引所惹嘅禍,不幸地,我哋熟悉嘅嘢有時係開心事,有時唔係咁開心嘅事。

Tips:由小處入手,做啲你一向唔做嘅事,慢慢改變個pattern,例如平時淨係去嗰兩間餐廳食早餐,就試下去啲新地方;以前唔肯做運動,就約朋友試下做,或者會有新發現!

2. 霎時衝動:

雖然我哋有理性知道咩好咩唔好,但係講感覺到呢回事,我哋總係容易被帶有刺激感、神秘感嘅嘢所吸引。

3. 盲點:

成日話愛情係盲目嘅,當決定進入一段關係時,我哋傾向睇對方好嗰面,而忽略咗一啲話你知呢段關係唔係咁容易行嘅警號。

Tips:盡量提自己停一停,諗一諗,搵可信任嘅朋友俾啲意見都係好事,有時朋友同你講你同邊個勁夾,你死都唔信,或者真係旁觀者清呢!

4. 過度樂觀:

人經常以個人願望去預測未來,例如會同自己講「呢次一定順利,唔會好似之前咁」,而忽略咗眼前嘅客觀因素。

Tips:每個人都會為自己作出改變同選擇,但唔好期望別人會為你改變,同樣地,你想改變,都唔好因為別人,而應該係因為你自己,由心而發。

You may also like