心理測驗:你鍾意邊種類型嘅男生?

TEXT: juju

假設你同情人約咗喺公園等,你早到咗,你會選擇喺邊個位置等佢嚟?
A. 公園入口
B. 裏面近草地嘅長櫈
C. 裏面嘅涼亭
D. 近入口嘅水池

分析:
選A 健康型
你鍾意曬到黑黑哋、高高大大、肌肉紮紮實實,睇得出有做運動、喜歡大自然嘅男生,佢哋俾到你大量安全感,你會願意為佢付出同犠牲。



選B 乾淨型
你鍾意整整齊齊、衣著合身、日日都將鬍鬚剃得乾乾淨淨嘅男生,佢哋俾你好清爽嘅感覺,就好似佢經常散發住一股啱啱沖完涼嘅味道咁!



選C 神秘型
好似愁愁哋、有好多心事、有好多嘢諗嘅男生,會吸引到你注意,佢哋散發出嚟嘅孤單、落寞感,會勾起你溫柔嘅心,想去幫佢分擔痛苦,令佢快樂。



選D 能量型
充滿活力、熱誠、對事物百份百投入嘅男生,會係你杯茶,佢哋渾身散發嘅激情令人著迷,激發身邊人潛藏喺心底裏嘅熱情,呢類型男生嘅魅力同能量有時會令人有點畏懼,但同時呢一點亦係佢哋嘅吸引所在。

keywords Keywords:

You may also like