好心分手!3個分手要狠的狀況

TEXT:韋寶



要放棄一段感情的確唔容易,不過有啲情況,拖落去只會更辛苦,與其知道一齊只會將痛苦延長,倒不如分手,長痛不如短痛嘛!

3個分手要狠嘅情況包括 :




1.由正印變咗第三者 

有一日,你發現原來對方早已有另一半,之前一直呃你係單身,令你由正印變咗第三者。無論佢自稱有幾自責都好,你都要諗清楚係咪仲要俾佢享齊人之福。



因為佢實知同你一齊,最後係會為你帶嚟好深嘅傷害。一個傷害你嚟令自己幸福嘅人,到底有幾愛你?佢最愛嘅,只有佢自己而已。


2.出軌後未能令你重建信心,甚至再犯

如果佢出軌後你原諒佢,但佢無做任何嘢令你有返安全感,而且仲成日都好可疑,搞到你成日都心驚膽顫,咁係咪仲要自己繼續受折磨 ? 



(當然你要睇埋佢態度係點,睇下佢有無心重建你對佢嘅信任,同埋佢答應你嘅事有無做到。)



另一個情況係佢無珍惜你嘅原諒,再一次出軌,傷完你一次又一次,咁當然應該即刻分手,唔好再拖。



3.唔開心多過開心好多

兩個人一齊,總會有磨合期,但如果經過一段時間,總括嚟講唔開心嘅多過開心好多,而期間佢係唔顧你感受,無嘗試理解你嘅想法,你就要諗清楚呢個人係咪愛你!

keywords Keywords:

You may also like