5個男生暗戀你嘅行為!

唔係個個男生都擺到明寫情信、送花咁公開追女仔,陣間俾人公開晒啲Whatsapp message做咗網絡紅人就弊!有啲男生表現得比較含蓄,不過就唔係個個女生get到。

1. 主動約你:唔係一次,係約完一次又一次,可能純綷飲杯咖啡、行下坐下,或者約你睇戲,又或者飲完咖啡仲提議再去邊度邊度,咁表現咗佢想見你耐啲囉,傻豬!

2. 從來唔會問你有無男友:如果你已有男友,佢唔會問起你哋啲嘢;如果你單身,或知你有人追緊,佢都唔會問你哋咩情況。佢約得你出嚟,當然唔會俾其他男生嘅嘢佔用你哋嘅時間,而且你仲會見佢,即係佢仲有機會,佢不如將精神放喺同你一齊嘅時光身上。如果你主動提起其他男生,佢甚至乎會轉話題。

3. 一班人時佢特別注意你:一大班人一齊時,一般嚟講都好易分心,同呢個講幾句,嗰邊同另外幾個frd又轉咗話題,但如果你發現你講嘢時佢會特別留心聽、俾反應,咁佢好可能係好留意你嘅一舉一動喇。

4. 同你一齊佢笑多咗:試想想 ,你暗戀嘅人咁啱同你去埋同一個gathering,你會特別開心,會笑得特別燦爛。男生都係一樣,如果佢對你有意思,你喺度嘅場合,佢會特別活躍、開心。

 

5. 會有意無意掂下你:好似細路仔咁,你同邊個frd,你就會拖住佢、挨住佢。男生覺得同你親近,會有啲小舉動,輕輕拍下你膊頭、過馬路或人多時,會輕輕用手傍住你行。(鹹濕嗰啲另計!例如掂啲私人部位、同你根本無交情又扮熟等)

keywords Keywords:

You may also like