4招令男友錫晒你!

女生都係鍾意俾人鍚嘅,除咗開口提出想佢點點點,其實仲有好多方法唔直接講,但佢又唔鍚你唔得嘅!


令男友錫晒你嘅方法包括:

1. 一見佢就笑:男生好簡單,你同佢一齊開心,佢就有滿足感。每次見到佢時,俾個溫暖燦爛嘅笑容佢,佢個心就會好甜。無論拍咗幾耐拖都好,每次見到面時俾個甜笑佢係唔少得架!

2. 俾足面子佢:私底下佢就晒你、你話晒事都得,但喺人哋面前,尤其佢啲朋友面前,唔好批評佢、踩佢、揭佢啲瘀嘢,俾佢威囉,咁返到嚟,佢一定會鍚晒你!其實呢啲係人之常情,你都唔想另一半喺人哋面前話你,係咪?

3. 減少交人call:佢同朋友出去玩、傾嘢、做嘢乜都好,如果經常到時到候就中途有女友打嚟要佢交人,佢啲男子氣慨即刻跌watt。

係,佢陪唔到你,你可能會唔開心,但如果你好少打呢啲追魂call,唔止佢啲frd會羨慕佢,連你,佢哋都會格外尊重架!

4. 用溫柔化解衝突:嗌交嘅嘢好平常,有時嗌嘅內容都好無謂,重要嘅係點收科。你都會嬲到火紅火綠,但下咗啖氣之後,不妨攞返啲女性嘅溫柔出嚟,紓緩返個緊張氣氛!溫柔呢樣嘢係女生天生擁有嘅特質,你好聲好氣,佢都奈你唔何、嬲你唔落呀!

keywords Keywords:

You may also like