3個男生想分手嘅先兆!

TEXT: juju

雖然以下講嘅嘢唔係絶對嘅,不過如果你身邊嘅佢同時中咗幾樣,而且情況係持續的話,你最好留意下你哋之間係咪出咗啲問題,需要去處理一下,因為呢啲分分鐘係男生想同你分手嘅先兆。

呢三個分手先兆包括:

1. 你發現好似得你一個維繫緊段關係:

你忽然發現約佢、食咩、做咩,好似都係得你一個拉牛上樹咁,如果你唔展開話題,佢根本無嘢同你講,甚至乎你唔搵佢,佢根本唔會搵你(咁梗係唔係講緊你半日無搵佢啦)。

當然,有時另一半真係會好忙、好大壓力,但係你會feel到佢係真忙真攰定係唔在乎嘅。

2. 佢成日搵交嗌:兩個人有拗撬好平常,但係如果你發現佢近來好似故意搵啲無聊嘢嚟撩交嗌,咁可能佢係想搵啲藉口同你分手,刻意製造繃緊氣氛。

3. 佢忽然成日話要改變:可能係話想去流浪,可能係想去第二度做嘢(原因並唔係為你哋將來打算),或者搬屋,但總之樣樣嘢都無將你規劃喺裏面,咁反映咗佢睇唔到你哋嘅將來。

keywords Keywords:

You may also like