增添情趣!5招為戀情加添小火花

兩個人一齊耐咗,平淡咗、火花少咗都係自然嘅事,如果喺戀情方面遇着呢個樽頸位,都有可能影響感情架,想為戀情增加返啲溫度,有時加返少少氣氛就得! 

增添情趣小貼士

1. 重新佈置房間

初初佢嚟你間房時,你係咪會比較緊張執下間房先,但大家一齊慣咗,就亂七八糟都由得佢?如果有呢個情況,真係要執執佢,因為環境氣氛都好影響愛愛效果架。

久唔久換下新床單,煞有介事咁同佢講:「為咗你換嘅⋯⋯」 ,呢啲小曳曳嘅佻皮話帶有少少挑逗意味,對增加性趣好有用! 

2.偶然露少少 

雖然話大家都肉帛相見過好多次啦,但男生「偷睇」到你烏低身時領口裏面嘅事業線、背心吊帶唔小心跌咗膊呢啲畫面,仍然都係一啲視覺刺激效果,無論你有心或無意都好 :P。而你自己都會俾返啲好感覺,例如覺得自己性感、有吸引力。 

3.齊齊getaway

一齊去個超hea旅行,咪鬼掛住shopping、跑景點喇,搵個陽光與海灘嘅靚resort,揀返套靚靚比堅尼,靚人靚景食玩瞓做spa,俾浪漫氣氛包圍你哋。

唔係咁得呢類旅行嘅朋友,不妨二人去一個回歸大自然嘅露營,望住營火瞓喺地下一齊睇滿天繁星,攬住對方取暖,都可以誘發原始慾望。

4.齊學跳社交舞 

其實跳舞唔老土架,一男一女一齊翩翩起舞,眼中只有對方,係超sexy嘅事! 

 

或者初初提出呢個主意,有人會覺得怕醜尷尬,不過咁樣兩個人無論肉體上同精神上都可增加親密度!

上網做啲research、一齊上youtube參詳下,再睇下身邊有無朋友學緊教緊,睇下發唔發展到呢個可能性囉!

5.減少投訴/囉唆

假如你打算今晚同佢一齊有個浪漫嘅晚上,都要事先舖排下,無理由呢頭哦佢論論盡盡,嗰頭上床就忽然有好氣氛、好心情掛⋯⋯

不妨嘗試減少批評對方,留意一段時候之後,你哋相處感覺有無輕鬆到,連帶愛愛時都好感情咗?

keywords Keywords:

You may also like