遲早分手?同男友日對夜對嘅4大害處

兩個人相愛,想花多啲時間喺埋一齊係好正常,畢竟人生苦短。不過咁,如果對得太多,就有可能跌入越了解越討厭嘅感情陷阱!

同男友日對夜對嘅4大害處

常見陷阱1 無聲消失的掛念感

要有機會「分開 」,先有機會講「掛住你 」,呢句說話真心講起嚟同聽起嚟有幾sweet?如果大家仲記得初初熱戀時係點就自然會明。 



常見陷阱2用放大鏡睇對方缺點

彼此生活中任何嘢都無所遁形,一切好嘅壞嘅都聽進耳裏,看在眼裏。如果感情基礎未夠,雙方有好多嘢都未磨合到,久而久之,就容易由小事開始睇唔順眼,發展到大小事都睇唔順眼。 



常見陥阱3 無咗個人空間

反正過年過節都係要一齊返屋企同屋企人食飯,不如兩個一齊先啦!反正大家班friend都識,不如夾埋一齊先gathering啦!



呢啲情況尤其常見喺被冠以「老夫老妻」嘅情侶身上,但其實大家分別都可以得閒約屋企人、朋友、同事架嘛,唔使成日等埋邊個嘅,係咪?

常見陷阱4 互相卸責

有啲責任範圍如果大家無好好劃清界線並謹守,就會出現互相旨意或互相推卸嘅情況,例如講好碗你洗、飯佢煮,但當你見對方都好似好得閒時,就會要求對方幫你做埋你嗰份,情況重複,分工界線開始模糊,大家就好多嘢拗喇。

小貼士:唔少朋友都會因為想慳錢、慳時間而選擇好多嘢留返嚟同情人一齊先做,例如一年只夠積蓄同夠大假去一次旅行,同friend去唔同另一半去好似好衰。不過偶然自己同fd去個trip,或去露個營/行個山取代都好,俾啲新嘅個人體驗自己,咁返嚟又有新話題,又可以講:「睇日出時好靚呀,好想同你一齊睇到,第日帶你去吖! 」so sweet!

keywords Keywords:

You may also like