心理測驗:你離幸福有幾近?

TEXT: juju

兩性關係, 愛情問題, 心理測驗, 幸福, 愛情, 男女關係, 真命天子

幸福,既實在又虛無縹緲,想知佢係遠在天邊定近在眼前?回答以下問題啦!

如果要你畫一幅畫,裏面有一個人同一隻雀仔,你會揀以下邊個構圖?

A. 一個人望住籠裏面嘅雀仔

B. 一個人追住飛走嘅雀仔

C. 一個人向住遠方嘅雀仔揮手

D.一隻雀仔喺天空,個人喺地面,兩者無關聯

E.一隻雀仔企喺個人嘅手上或膊頭上

兩性關係, 愛情問題, 心理測驗, 幸福, 愛情, 男女關係, 真命天子

分析:雀仔象徵幸福,而嗰個人就係你。

答A:幸福已經喺你面前!不過暫時仲有啲阻滯,令你未可以完全安心,例如已經遇到真命天子,不過遲遲未定到結婚計劃,或者係你自己仲有啲心結未解開。只要慢慢將問題化解,踏前一步就可以擁抱幸福!

答B:你一直努力追尋幸福,想捉但又捉唔住,令你有啲攰。不妨重新檢視一下眼前嘅嘢係咪你心裏面想要嘅真正幸福,再睇吓可以點樣整理人生計劃。

兩性關係, 愛情問題, 心理測驗, 幸福, 愛情, 男女關係, 真命天子

答C:你期待幸福來臨,但係比較被動,可能係等緊某個曾經喺你生命中出現過嘅人,或純粹等緊真命天子出現。啲人成日話「幸福要靠自己去爭取」係有道理嘅,準備好自己、開放自己,到機會出現時一下就捉得住。

答D:你同雀仔之間無任何交流,表示你心境淡然,對幸福無乜特別追求,可能因為你已經經歷過唔少風浪,對生活有自己一套睇法。

答E:你唔擔心雀仔飛走,表示幸福已經陪住你!可能因為你已經搵到你嘅人生目標或者最愛,所以你覺得目前生活好滿足、好開心。

You may also like