心理測驗:你願意為愛情付出多少?

Text: juju

心理測驗, 兩性關係. 愛情問題, 付出, 愛情, 拍拖

愛人之間,有施有受,只要有來有往就有流動,好似一條河流咁,冇流動,就會變成一潭死水。想知自己係邊種付出型?玩玩呢個測驗啦!

有一日,你同朋友睇完戲,喺戲院出嚟,遇到一個神仙,佢話可以俾一個機會你整蠱人,仲唔會俾人發現嘅架!你會揀:

A. 將所有男生嘅衣物變透明

B. 令所有人即刻消失,返晒屋企

C. 將所有人變光頭

D. 覺得太無聊,乜都唔揀

<--pagebreak-->

心理測驗, 兩性關係. 愛情問題, 付出, 愛情, 拍拖

分析:

選A:彈性付出型

對於自己要付出幾多,你會好睇對象嘅個性,聰明嘅你知道如果另一半本身已經屬於嚴重需索型、唔係好識付出,自己就唔會要求對方太多,以免磨擦;相反,如果對方好錫你,你有時都可以幾任性架!不過只要對象係你真心鍾意嘅人,你都好識得有來有往嘅藝術,唔會一味要求對方為自己付出晒。

選B:唔計較型

你屬於奉獻型,鍾意幫助人。戀愛中嘅你會主動、無私咁為對方著想,係異性眼中嘅理想伴侶。不過與此同時你個性比較情緒化,有啲難以觸摸,如果同對方熟絡起來,你可能慢慢會變得好任性;雖然戀愛中嘅人好多時都會耍下小脾氣,但係你嘅情況就相對極端。如果學識控制情緒嘅技巧,你會更加得人鍾意!

心理測驗, 兩性關係. 愛情問題, 付出, 愛情, 拍拖<--pagebreak-->

選C:等人鍚型

你可能自細俾人寵慣、就慣,所以到咗拍拖,都係習慣人哋鍚你多啲。對於另一半,你期望得到好多嘅寵愛同關注,至於點為對方付出,你就唔算太在行喇,但係咁唔代表你完全唔肯付出,只係你用嘅方法未必係對方所想嘅,所以你嘅戀人有時會覺得摸不著頭腦,冇晒你符。

選D:熱心型

你充滿愛心,見到別人有需要,會毫冇保留咁出手熱心襄助,對自己身邊嘅戀人就更加唔使講喇,你將戀人睇得好重,佢嘅事甚至乎重要過你自己嘅事。但有時都要睇情況、諗清楚先出手,如果對方有能力自己解決問題,就俾空間佢去處理,唔好搞到自己咁忙,到真係需要你先插手都唔遲,有時喺旁邊默默支持已經足夠。

You may also like