聖誕新口味!Lady M全新抹茶朱古力棋盤蛋糕

P

一眾甜品控依依不捨地告別Lady M嘅Earl Grey Tea蛋糕後,全新嘅抹茶味蛋糕同埋經典嘅紅絲絨蛋糕就緊接出場,陪大家過一個歡悅嘅聖誕!

Lady M嘅朱古力棋盤蛋糕向來都係人氣之選,今次推出變奏版「抹茶朱古力棋盤蛋糕」(每件 $68)。

將香濃嘅抹茶味融入蛋糕中,外層均勻地抹上平滑如絲的抹茶白朱古力醬,切開就係以抹茶同黑朱古力海綿蛋糕、忌廉相間砌成嘅小方格,好靚啊!

每年聖誕都會限定推出嘅「紅絲絨蛋糕」再次出場喇,質感幼滑嘅忌廉,層層相間牛油蛋糕,啖啖都充滿層次感,今年仲選用三款嚟自法國嘅星星形朱古力作裝飾,喺蛋糕面層撒上糖霜,就好似雪地咁浪漫啊!(每件 $68)

抹茶朱古力棋盤蛋糕同紅絲絨蛋糕可於12月起,喺官方網站訂購原個蛋糕,每個售價為$680。

仲未諗到買咩聖誕禮物?小編就覺得呢個朱古力球熱飲杯係唔錯嘅選擇!特別為冬日設計嘅限量版「Lady M 蛋白脆餅朱古力套裝」($188),盒子就好似雪地嘅小屋,套裝保留咗Lady M 嘅雙層玻璃杯同朱古力球,加埋聖誕樹形狀的小盒子,內有粉紅同粉藍雙色蛋白脆餅,加落熱牛奶到一定好好味!

同場仲有新嘅「芝士梳夫厘奄列」,梳夫厘奄列加入mozzarella同車打芝士,散發香郁嘅蛋香同芝士味!另配炒蘑菇同白酒牛油汁,將牛油汁淋到梳乎厘奄列上,味道豐富。

*只限Lady M 銅鑼灣旗艦店!

 

keywords Keywords:

You may also like