中秋節2017!編輯精選多款月餅禮盒

TEXT: Alva L. & P

中秋節將至,又到揀月餅慶節嘅時候喇!除咗必備嘅傳統月餅之外,最近唔少品牌都紛紛推出新式月餅,今次就同大家精選六款月餅禮盒,睇吓揀唔揀到你心水啦!

1. A-1 Bakery Group x Sanrio Characters 流心奶黃月餅系列

Sanrio可愛嘅卡通人物無論幾時都係咁受歡迎!今次A-1 Bakery Group就同Sanrio一齊推出超得意流心奶黃月餅系列,鹹蛋黃同奶黃完全結合,奶黃月餅控必試!



另外,今個系列會分成兩小隊,分別係赤月同藍星系列,仲有隨月餅附送嘅獨家限定手挽袋架。

優惠:

8月31號前購買,可享優先價。1-2盒 $158@ (原價 $168);3盒以上 $148 @(原價 $158)


2. 鴻福堂 x LINE FRIENDS 甜蜜賞月禮盒

同Sanrio卡通人物一樣咁受歡迎嘅LINE FRIENDS都有月餅禮盒!禮盒入面分別各有燕窩楊枝甘露冰月蘆薈楊枝甘露冰月兩個,仲附送「揹住 LINE FRIENDS 去賞月」環保布袋乙個架。

LINE FRIENDS甜蜜賞月禮盒(4個裝)$158

另外,鴻福堂仲有「果漾滋味冰月派對禮盒」同」迷你鳳梨果仁月餅禮盒」,前者有巨峰提子藍莓乳酪冰月同梅子清酒檸檬龍眼冰月(各二);後者就係八個迷你裝鳳梨果仁月餅。

果漾滋味冰月派對禮盒(4個裝)$258 

迷你鳳梨果仁月餅禮盒(8個裝)$340 

3. Starbucks 月餅禮盒

Starbucks 每年都會推出唔同口味嘅月餅,今年繼續糅合中西元素,推出全新伯爵茶麻糬月餅及雲呢拿奶黃月餅,仲有之前大受歡迎嘅流心焦糖咖啡月餅都會返嚟!



伯爵茶麻糬月餅結合中、西方兩款茶種,散發出雙倍濃郁嘅茶香,甜而不膩;雲呢拿奶黃月餅將西方咖啡文化帶到傳統奶黃月餅中,加入芳香嘅雲呢拿籽進一步帶出香濃嘅奶香。



今次嘅月餅盒特意以繁星之夜為主題,並隨禮盒附上三盞LED燈,只要將LED燈放喺三款獨立包裝嘅投影盒中,就可以創造出濃濃的佳節氣氛!

優惠:

由即日起至 8 月 30 日可享優先預購優惠,以$250購買(原價$278)。

4. 朗廷酒店集團尊貴月餅禮盒

朗廷酒店分別推出經典迷你金黃奶黃月餅同全新推出嘅迷你錦繡月餅拼盒,粉紅色嘅首飾盒包裝好靚啊!拼盒內分別有傳統蛋黃白蓮蓉月餅丶蛋黃豆沙月餅,同獨特嘅金桔奶黃月餅,結合傳統又有新意。由即日起至 10 月 3 日有售。

迷你金黃奶黃月餅(6件裝) $328 

迷你錦繡月餅(6件裝) $348

5. 凱悅酒店「花好悅圓」中秋月餅系列

「花好悅圓」中秋月餅系列包括迷你柚子糖薑月餅,以及迷你五糧液朱古力月餅兩款口味。前者以取材自清新嘅柚子同本地傳統甜點糖薑,味道清新;後者靈感來自沙田18馳名雪糕,將香醇嘅黑朱古力融合酒香,味道創新!

優惠:

於即日起至31日期間可以優惠價每盒$268(原價$338)購買「花好悅圓」月餅禮盒;於2017年9月1日10月5日期間則可以每盒$298(原價$338)購買「花好悅圓」月餅禮盒。

6. 中村藤吉至尊級抹茶月餅

香港有不少人都係抹茶控,中村藤吉呢款以手採碾茶茶葉作餡嘅月餅就啱哂大家喇。今年呢個抹茶月餅仲比去年多1.5倍嘅茶葉,抹茶味更豐富、更濃郁!月餅禮盒分別為兩個裝、四個裝及六個裝,而兩個裝同四個裝嘅月餅禮盒都分別配上茶包。數量有限,訂完即止啊!

優惠:

1)兩個裝月餅配嚴選茶包一個

預訂價:$198(正價:$238)

2)四個裝月餅配嚴選茶包四個

預訂價:$458(正價:$488)

3)六個裝月餅

預訂價:$388(正價:$448)

預訂日期:即日起至9月5日,數量有限,訂完即止。

預售點:中村藤吉香港店、中村藤吉香港店NEXT、沙田新城市廣場及金鐘太古廣場期間限定店

7. Häagen-Dazs 月餅禮盒

Häagen-Dazs今年推出多款雪糕月餅,包括有法式復古系列、日式簡約的和風雪糕月餅系列,同埋趣緻嘅Tsum Tsum月餅,最岩一家大細一齊享用!

朱古力脆皮外層上印有兔子同法國特色嘅花紋圖案,「法式復古禮盒」($318)包括有 2件朱古力、1件仲夏野莓、1件呍呢嗱;「法式明月禮盒」($318)就有2件芒果、1件仲夏野莓、1件士多啤梨;「法式華麗禮盒」($418)包括有 2件朱古力、1件仲夏野莓、1件呍呢嗱、2件芒果。

Tsum Tsum月餅為網上商店限定,保溫袋同月餅上均印有多個可愛嘅TSUM TSUM公仔,保溫袋前後更以小熊維尼同巴斯光年為主角。雪糕口味分別有朱古力、仲夏野莓同呍呢嗱。($358)

全新嘅限量版雪糕月餅雪‧望月($358)同茶‧亮月($358),以日本傳統嘅麻糬為月餅外層,煙韌彈牙,配上芒果同士多啤梨雪糕餡,夠清新!

(左)雪‧望月 $358

茶‧亮月 $358

優惠:

由即日起至8月20日預訂雪糕月餅禮盒,可享早鳥優惠。現凡購買任何雪糕月餅禮盒兩盒或以上,每盒可獲贈「單球雪糕券、雪糕蛋糕優惠券及咖啡券」一張。

購買五盒或以上,更可獲贈「Thank You Gift」一套,每套包括「單球雪糕券」四張、「堂食雪糕火鍋優惠券」一張、「雪糕蛋糕優惠券」一張、「下午茶套餐優惠券」一張、及「外賣特色咖啡券」一張。

8. DALLOYAU 月餅禮盒

今年Paris Moon提供3種全新口味,包括有紅豆蓉、62%特濃朱古力,獨創嘅蘭姆酒葡萄乾口味。

優惠:

由即日起至9月17日:每盒$268 (原價 $298);Paris Moon月餅禮盒可於9月18日起至10月4日領取。

9. 一田超市月餅

一田超市推出KUMAMON部長月餅,分別有O咀及笑咀造型,月餅更有3種口味,包括黑糖豆沙月餅、金莎奶黃月餅及薑汁奶黃月餅,用上熊本縣雞蛋製成。

KUMAMON造型禮盒於一田超市(將軍澳)及一田eShop限量發售。價錢:$198(原價 $248)

優惠:

以一田Visa卡(逄星期一)或以「一田X熊本県」Titanium卡(逄星期二)於一田超市(將軍澳)訂購更可享95折優惠。

即日至8月31日於一田超市(將軍澳)收銀處訂購,可在9月11日至10月1日於一田超市(將軍澳)取貨。即日至8月31日於一田eShophttps://eshop.yata.hk訂購,可在9月11日至10月1日於一田百貨(沙田/大埔/荃灣)/ 一田超市西環) 取貨。

10. 山下菓子

山下菓子聯同Sanrio卡通人物,出咗酥皮奶黃月餅,外層係酥皮,而餡料就以鹹蛋加上奶黃配搭,另外仲有日式紫甘薯菓子月餅,以製作和菓子用的「桃山皮」及紫薯餡料製作成日式月餅,不甜不膩!

優惠:

Hello Kitty/Little Twin Stars 酥皮奶黃月餅8個禮盒裝原價$328 優惠價$229

Little Twin Stars 酥皮奶黃月餅2個鐵罐盒原價$200 優惠價$135

Little Twin Stars 酥皮奶黃月餅2個鐵罐盒原價$200 優惠價$135 Hello Kitty/ My Melody/ Cinnamoroll 日式紫甘薯菓子月餅4個禮盒裝原價$200 優惠價$125

現凡預訂酥皮奶黃8個禮盒裝1盒或日式紫甘薯菓子月餅4個禮盒裝2盒即送Sanrio卡通陶瓷碟一隻(4寸)。

粉絲們可由即日起至8月13日Facebook shop預訂,並於9月20日至10月1日到以下地點換領月餅:

換領日期及地點: 9月20-10月1日可到以下地點換領:

馬鞍山新港城中心第四期2樓2040-2041號舖

將軍澳唐德街1號將軍澳廣場1樓1-036-1-037號Kiosk C

屯門市廣場1期商場中央廣場山下菓子專櫃

9月25日-10月1日可到以下地點換領:

Megabox九龍灣宏照道 38 號企業廣場 5 期

MegaBox AEON九龍灣店月餅展銷場山下菓子專櫃 AEON STYLE 康怡香港鰂魚涌康山道2號康怡廣場(南)

 

11. Lady M 月餅禮盒:

Lady M 的品牌通常展示一貫的貴氣,今年中秋節推出全新嘅月餅禮盒,設計靈感來自美國紐約嘅公寓建築。外觀唔單只係普通方方哋嘅包裝,更係叫人眼前一亮的燈籠!

每一個禮盒有4個迷你蛋黃白蓮蓉月餅。月餅上面標誌著 Lady M 品牌嘅花紋同M字,帶來傳統又鮮甜嘅滋味。燈籠前邊嘅窗戶又透視著一男一女正在用茶嘅剪影,表現出一種舒適及溫暖感覺。

Lady M 花燈月餅禮盒將於 8 月 14 日起正式發售,請留意以下詳情:

優惠:凡於 2017 年 8 月 14 日至 2017 年 9 月 10 日預早購買,即可享優惠價每盒 $338。此期間將以月餅券形式出售,客人可憑券於指定日期及地點換領月餅禮盒。

換領月餅禮盒日期:2017 年 9 月 11 日至 2017 年 10 月 3 日
換領月餅禮盒地點:Lady M 銅鑼灣旗艦店、中環店及尖沙咀店

 

 

 

You may also like