必試榛子軟雪糕!DALLOYAU 期間限定店登場

TEXT: Alva L.

擁有逾300年法國巴黎皇室傳統歷史嘅DALLOYAU喺太古廣場開設期間限定店!為配合新店開張,DALLOYAU推出全新尊貴OPÉRA COGNAC、COGNAC FINE CHAMPAGNE干邑macaron、三文治,同春日榛子軟雪糕,為大家呈獻法國皇室經典滋味!

 

OPÉRA COGNAC 價錢:$78
除咗原味OPÉRA同松露OPÉRA TRUFFLE NOIRE,DALLOYAU全新推出尊貴OPÉRA COGNAC,選用特優Courvoisier V.S.O.P. Cognac高品質醇美干邑,面層為金箔朱古力片,淨係賣相已經好高貴。而且為突顯OPÉRA尊貴地位,DALLOYAU仲特別設計咗優雅蛋糕封套添!

OPÉRA COGNAC (Grands Gâteaux) 價錢:$498起
呢個法國皇室糕點品牌堅持以獨門秘方同傳統手製技巧製作OPÉRA,以特濃咖啡浸泡嘅杏仁蛋糕為底層,塗上咖啡奶油霜,多層柔軟細滑杏仁海綿蛋糕,70%香濃朱古力醬,再以一片香脆絲滑朱古力為面層,最後綴以金箔朱古力片,8個層次,矜貴非凡!


MACARON COGNAC FINE CHAMPAGNE 價錢:$24 (1粒)
除咗OPÉRA COGNAC,DALLOYAU另一焦點甜點就係呢款穿上華麗衣裳嘅COGNAC FINE CHAMPAGNE干邑馬卡龍,以法式傳統秘方手製,加上100% 源自食材嘅天然色素,更加入獨創嘅「少糖配方」,女生都可以盡情享用啦!

法式龍蝦三文治 價錢:$120 (全份)/ 價錢:$70 (半份)
呢個法式龍蝦三文治係重點推介。選用鮮甜爽口嘅波士頓龍蝦,配上新鮮健康沙律,灑上少少辣椒粉,增強味道層次之餘更係貴氣十足!

軟心蛋、煙肉三文治 價錢:$58 (全份)/ 價錢:$29 (半份)
呢個嫩滑慢煮軟心蛋三文治,蛋味濃香,保留新鮮雞蛋嘅味道,賣相好吸引!

法國熟火腿、瑞士芝士三文治 價錢:$58 (全份)/ 價錢:$29 (半份)

華道夫雞肉沙律三文治 價錢:$58 (全份)/ 價錢:$29 (半份)

煙三文魚忌廉芝士三文治 價錢:$58 (全份)/ 價錢:$29 (半份)



榛子軟雪糕 價錢:$50
軟雪糕係DALLOYAU人氣高企嘅甜點,新推出嘅榛子口味榛子果仁香氣濃郁,配上特濃牛奶格外香甜軟滑。如果選擇併上皇牌黑松露口味嘅混合味道,芬芳堅果香氣混合濃郁松露芳香,一次享受兩種口味!

DALLOYAU Pop up store:
地址:金鐘金鐘道88號太古廣場L2層, Kiosk 200D

keywords Keywords:

You may also like