巴斯光年、三眼仔和勞蘇!Häagen-Dazs x Tsum Tsum 新雪糕火鍋套裝

TEXT: Alva L.

Häagen-Dazs喺啱啱過去嘅冬天同一眾Tsum Tsum角色推出雪糕產品大受歡迎,2017春季又有可愛迪士尼Tsum Tsum角色加盟喇!今次外賣雪糕火鍋套裝有巴斯光年、三眼仔同勞蘇,而派對冰袋禮品裝就有怪獸同公主,快啲搵埋好朋友同屋企人開心share啦!

每款外賣雪糕火鍋套裝($528)唔止有可愛嘅Tsum Tsum火鍋爐同兩枝造型得意嘅雪糕叉,仲包咗32球(共8款)指定口味迷你雪糕球,加上香濃朱古力醬,真係好正!

而且可愛嘅火鍋爐同雪糕叉可以收藏再用,唔知大家會揀邊個卡通人物呢?

8款指定口味嘅迷你雪糕球包括:仲夏野莓、雲呢嗱、比利時朱古力、焦糖脆餅、曲奇呍呢嗱、士多啤梨、士多啤梨芝士餅、藍莓,每款各四球。

除咗外賣雪糕火鍋套裝,當然唔少得Häppy-Dayz派對冰袋禮品裝($269)!今次新登場嘅係怪獸版本同公主版本!

冰袋內容好豐富!分別有:雲呢嗱焦糖杏仁脆皮雪糕批(80ml)、士多啤梨脆皮雪糕批(80ml)、朱古力杏仁脆皮雪糕批(80ml)。同埋雲呢嗱糕迷你杯(75ml)、朱古力雪糕迷你杯(75ml) 、士多啤梨雪糕迷你杯(75ml)、曲奇雲呢嗱雪糕迷你杯(75ml)。而且雪糕杯仲係每樣各二!

限量版外賣雪糕火鍋套裝須於3日前網上登記換領 ,只限外賣架。
銷售點: 全線Häagen-Dazs™ 雪糕專門店
零售價: HK$528(只限外賣)

You may also like