超浪漫的粉紫色!Häagen-Dazs 全新花果系列雪糕

TEXT& PHOTO:P

女生面對花同雪糕,都係好難忍手架!Häagen-Dazs 全新花果系列雪糕,就將鮮花融入雪糕之中,加埋超夢幻嘅包裝,未食已經流晒口水喇!

Häagen-Dazs花果系列雪糕,有兩款口味,玫瑰紅桑子荔枝味同埋接骨木花黑加侖子味,鮮甜嘅水果加上清新嘅花香,食完即刻充滿幸福感!

接骨木花黑加侖子雪糕,係以清新嘅接骨木花入饌,配上麝香葡萄(Muscat),同埋鮮甜多汁嘅黑加侖子果醬,酸酸甜甜。

玫瑰紅桑子荔枝雪糕就用咗土耳其大馬士革玫瑰、兩款品種唔同嘅紅桑子果醬,加上清甜多汁嘅台灣荔枝,同埋香濃牛奶,花果味完全融合,好正啊!

兩款雪糕都採用新包裝,由英國設計品牌Kitty McCall設計,粉紅同粉紫色,加埋玫瑰花同接骨木花點綴,少女心大爆發! 

雪糕分別有迷你杯裝 100ml($28)同埋家庭裝 457ml($69.9),限量發售架!於各大便利店、超級市場同埋Häagen-Dazs™專門店有售。

keywords Keywords:

You may also like