編輯試食!6款日本雪糕、雪條大比併

TEXT: 韋寶

去親日本,夜晚買雪糕返酒店食已經係指定動作,當中HÄAGEN-DAZS嘅期間限定味更加係必食之選,小編當然仲有試其他啦,想知邊款好食?即睇!

1.HÄAGEN-DAZS期間限定南瓜味

日本, 雪糕, 雪條, 蛋黃哥, 好食, 推薦, 推介日本, 雪糕, 雪條, 蛋黃哥, 好食, 推薦, 推介
仍然懷念它……
因為呢隻南瓜味超讚,南瓜味同奶味並重,唔會搶咗大家嘅味道、又唔會好甜,食落香滑濃郁,係小編最想帶返香港嘅味道。

2.蛋黃哥雪糕

日本, 雪糕, 雪條, 蛋黃哥, 好食, 推薦, 推介日本, 雪糕, 雪條, 蛋黃哥, 好食, 推薦, 推介

身為蛋黃哥嘅鐵粉,就算覺得佢有啲伏味,小編都係買咗嚟食!一打開,見到太陽蛋嘅造型係開心嘅,食落,都ok喎,白色係牛奶味,黃色嘅係芒果味,牛奶味比芒果味好食,但芒果味都ok嘅,質感都滑溜,甜度適中。雖然唔係勁好食嗰隻,但絕對唔係雷品,放心。

3.HÄAGEN-DAZS期間限定Mascarpone Espresso Crispy Sandwich

日本, 雪糕, 雪條, 蛋黃哥, 好食, 推薦, 推介

哈根大師嘅出品一定唔會差,只係呢隻Mascarpone Espresso味嘅Crispy Sandwich就無乜驚喜,係一貫嗰種好食嘅質感加咖啡味,唔會好似南瓜味咁令我掛住佢。
4. HÄAGEN-DAZS Chocolate Brownie雪糕

日本, 雪糕, 雪條, 蛋黃哥, 好食, 推薦, 推介

雖然唔係期間限定嘅味道,但喺香港暫時都未有,所以小編都試咗!朱古力味濃,而且雪糕入面真係有啲brownie,令口感變得豐富,入面仲有少少朱古力漿。雖然啲朱古力漿偏甜,但夾埋雪糕同brownie嚟食,味道唔錯,推薦啊!
5.阿部牧場阿蘇牛奶雪糕

日本, 雪糕, 雪條, 蛋黃哥, 好食, 推薦, 推介

呢隻奶味極濃,帶有膻味,小編老公好鍾意食,不過小編只係僅僅接受到呢隻膻味,再膻啲就食唔到啦。(p.s.小編本身都好鍾意奶味,但膻嘅就未必食到。)

小編購自:熊本縣Aso farm land

6.綠茶白玉雪條

日本, 雪糕, 雪條, 蛋黃哥, 好食, 推薦, 推介

一開始見到綠茶紅豆,仲有貌似煙韌丸子質感嘅物體喺入面(小編唔識日文,都係看圖識字),諗住包無死,點知中晒伏!綠茶味唔香又淡味,紅豆味都唔太出,入面係有啲白色好似丸子嘅物體,但唔煙韌亦無乜味。呢枝雪條食落主要係甜味加唔香嘅綠茶味為主,伏品也!

好喇,返返嚟香港嗰陣,又心思思想食雪糕?咁就不妨睇睇:編輯試食!9間雪糕、雪條店大比併
 

keywords Keywords:

You may also like