快恨準!提高工作效率的10個方法

isaB

 

每日都有做唔完的工作,星期一到星期日,人生有七分五的日子都在工作中度過,做唔曬分分鐘要星期六日OT,不如學下西方流行的工作習慣,你會發現工作效率提升左,有多啲時間做自己真正想做既野,個人都開心啲!

1. 養成「1 take 過」習慣

做咩都要求自己「1 take 過」,唔好因爲怕中重複工作的無聊而放棄完成佢,咁樣之後你又再要抽時間出黎完成佢,相對更加費時。

2. 晨早OT

好多外國公司CEO都會係天光之前起身做運動,跑個步打場golf先返工,如果工作太多的話,不如早少少翻公司做,好過收工時間留係公司OT吖。

 

3. 制定計劃

爲自己制定一些目標,例如4 點前一定要完成個報告,爲自己set一些小deadline。一開始不妨目標set得低點。

4. 獎勵自己

當每個月達到自己目標既時候,不妨獎勵一下自己。爲自己買一樣自己鍾意既小禮物,或者去一間自己鍾意嘅餐廳,放鬆完重新出發。

 

5. 先做重要的事

雖然工作不斷咁黎,但總有D重要D,有D無咁重要。將事情排序,先做重要既事,你會發現一切變得簡單。

 

6. 學會say No!

你可能係公司裏面嘅好好先生/好好小姐,隔離同事病假要你幫忙做佢工作,或者對面個電腦殺手又整壞部電腦要你幫佢整番好,以前你都會應承,但當影響到工作既時候,就要學識say No 喇。

 

7. 審視自己

係以前嘅工作經驗中,審視自己有咩方面不足。每次報告完左認真聽翻上司既意見,下次就可以更快速準確地完成喇。

8. 工作時戒掉手機

好多人興全天候玩手機,工作到一半點都要覆下Whatsapp先,再上facebook/ig 八下朋友做緊咩先。其實咁樣會降低工作效率,不如忍住先,做完一輪先一次過玩電話啦。

9. 提神咖啡

當你覺得難以集中既時候,不妨去pentry鬆一鬆,喝個茶或者咖啡,都有助提升工作效率架!

10. 遠離辦公室政治

公司已經好忙,仲要同班三姑六婆圍埋講人地是非。不如遠離一下辦公室政治,真正地做下實事啦!

You may also like