做唔到決定點算好?

TEXT: juju

喺拿唔定主意嘅時候,我哋會笑自己有「選擇困難症」,但無論點都好,有啲嘢真係要自己面對同負責,無論結果點都好,做決定時,起碼知道自己做緊乜,希望呢啲guidelines幫到你。

1. 諗得愈耐未必愈好:

有啲嘢叫做諗多咗,反而會影響你做決定,變得畏首畏尾。拖,有時係逃避,除非你真係buy time嚟做啲有建設性嘅資料搜集、策略安排。

2.俾條死線自己:

要相信「當時做嘅決定就係最好嘅決定」,俾條死線自己,有啲嘢拖落去,只係俾自己越多折磨。決定做咗,唔使後悔,因為呢個已經係當時最理想、能力範圍內盡咗力嘅方案。

3. 接受無完美:

針無兩頭利,亦無得事事如己意,有啲嘢就係要作出妥協。

心理測驗, 愛情 心理測驗, 愛情, 兩性關係, 男女關係, 愛情貼士

4. 接受錯誤:

人有時就係會揀咗啲無咁好嘅嘢,好似買生果、買衫咁,唔係買親樣樣嘢都100%啱晒心意,幾精明都有走漏眼、入錯手嘅時候。

5. 相信直覺:

有時都要信下自己嘅直覺,有啲嘢你超反感,就無謂勉強自己,呢啲感覺幫到你排除一啲唔啱用嘅嘢,指引你向其他方向發掘!

You may also like