揀事業夥伴5大注意事項,同揀老公差無幾!

TEXT: juju

出嚟搞啲小生意,合作夥伴唔可以淨係喂威圍fd底就得,始終呢個係一個長期夥伴,彼此間有長遠承諾、錢銀交葛、法律責任,有好多路要一齊行,唔能夠隨隨便便架!

1. 理念相近

咁你哋就唔使花咁多精力喺互相解釋、說服對方上面,訂目標、推動策略、下決定時,都會有效率好多。同難以明白你諗法嘅人一齊做事,好難成功。

2. 同你互補不足

佢要擁有一啲你無嘅技能同經驗,畢竟無人係全能嘅,佢有你需要嘅嘢,你又有佢缺乏嘅嘢就最好,例如你社交能力強、點子多,但無乜財務計劃天份,最好考慮搵個識睇數嘅人。

3. 佢要係正資產

即係佢嘅存在可以為你哋嘅事業帶來價值,唔係淨係財金方面,仲包括人脈、信譽、經驗,呢啲都可以增加成功嘅機會。

4. 無乜個人包袱

一個理想嘅夥伴最緊要準備好同你一齊衝衝衝,如果佢自己都唔知自己想點,一時一樣,或者佢自己生活有好多牽絆,例如財政不穩、私人生活面對重大危機,都會大大削弱佢嘅能量同投入度。

5. 互相尊重

唔好同你自己都唔尊重嘅人合作,想搞好件事,梗係要組出最強嘅隊伍,如果你自己都唔會聽佢意見或欣賞佢嘅付出,就無謂搞。同樣地,佢都要對你有相同嘅尊重先得。

keywords Keywords:

You may also like