你嘅運動Style反映你內心!

TEXT: juju

近年運動風盛行,連從來唔肯做運動嘅朋友都會買返套戰衣落公園跑下步,不過人人嘅運動取向都唔同,同時亦都唔多唔少反映咗佢哋嘅向心世界。

 



1. 喜愛長途

喜愛跑步都未必個個鍾意細水長流嘅長跑,傾向鍾意長跑嘅人,習慣規劃、set目標。

坦白講,長跑可以好苦悶,少啲耐力、少啲策略,都好容易迷失同想放棄。除咗跑步,踩單車、行山、練水等,一啲需要長時間消耗體力同精神嘅項目都屬此類。

2. 喜愛同朋友一齊

鍾意一大班人一齊進行運動嘅人,好明顯係外向型,隊友/夥伴係佢哋動力嘅來源,佢哋通常都重視團隊精神,講求合作。

3. 喜愛自己一個人

世上亦有鍾意自己一個但又鍾意做運動嘅人,佢哋同一大班人一齊會覺得唔自在,傾向注重邏輯思維,適宜做研究、資料搜集,通常佢哋都好識設計舒服又有效嘅生活routine俾自己。

4. 喜愛教練

鍾意有個教練mon住自己嘅人,通常都有好強嘅分析能力,佢哋凡事鍾意查根究柢,掌握數據同進度,知道自己on the right path,會俾到滿足感佢哋。

5. 喜愛極限

極限運動包括越野電單車/單車、徒手攀石、滑翔傘等,呢類型人愛創新、有冒險精神,重視專注力。

佢哋喺面對風險嘅時候,其實就係做緊風險評估同管理,唔少發明家、企業家、從事創作嘅人都鍾意極限運動,不過佢哋好怕悶,屬於坐唔定類型。

keywords Keywords:

You may also like