最有可能出賣你嘅人係...…

Text: juju



「出賣」 兩個字,講出嚟就令人心寒,因為分分鐘仲要係被出賣嗰個本來仲覺得同人好地地,點知原來...結果大受傷害。要識睇人都要識睇自己,個人弱點可能就係最易被出賣嘅位!

人哋用以下邊個形容詞嚟讚你,你會最沾沾自喜?

A. 能力過人

B. 面面俱圓

C. 靚

D. 有氣質

揀A 最大嫌疑:同事/上司

你係個聰明人,唔係咁易俾人出賣,但係亦有可能因為能力強,俾心胸狹窄嘅同事/上司忌住忌住,怕俾你搶風頭,於是出小動作阻你上位,甚至拉你落嚟,所以平時要小心防範,唔好鋒芒太露,咁當然要露嘅時候就要露啦!

 

揀B 最大嫌疑:老死

你人際關係好好,又願意幫人,係受歡迎人物,好少會招人妒忌或者同人有心病,如果要俾人出賣,比較要提防嘅會係你同佢最推心置腹嘅人,因為佢哋最熟你,知道你嘅弱點點喺邊。

咁當然做朋友嘅無理由成日計算住人哋會唔會出賣你,不過有啲嘢都係要識得保護自己,唔掀起晒個肚皮俾人睇都可以係好朋友嘅。

 

揀C 最大嫌疑:異性

你異性緣比較好,同同性反而就無乜嘢,通常都保持住安全距離,因此俾同性出賣嘅機會較低。

至於同異性呢,做朋友得嚟都要保持清醒同個人判斷能力,唔好咁易俾啲桃花遮住咗隻眼呀!

揀D 最大嫌疑:至親

你個性小心謹慎,比較內向,好少會惹麻煩、得罪人,唯有親人可能係你一大死穴,有時世時難料,未必係出賣嘅,受到無辜牽連,都已經可以好傷,親情係可貴,但係都唔可以盲目付出,咁對大家都無益處。

You may also like