辦公室閨密間的5大專業Manner !

TEXT: juju

雖然話返工識到好朋友唔係必然,但好彩遇到又真係幾good,一齊諗lunch食乜、俾老細省完又可以搵人呻吓,但係喺office fd還有fd,都要保持一啲manner,免得人哋覺得你搞小圈子。

專業禮儀1: 照顧整體

團隊精神好重要,例如有新同事入職,邀請埋佢哋一齊食晏、happy hour,咁又唔使驚傾唔埋又要日日湊住嘅,佢哋適應咗工作環境,自然會搵出自己覺得適合嘅生活步調,亦唔使次次都叫埋,偶然邀請下係禮貎。

專業禮儀2:私人飯局要分開

咁你梗係會同你fd嗰啲同事自己私底下約出去食飯、玩,如果計劃係唔想有其他人(尤其係同team同事)參與,就私底下約,唔好咁公開,免得無被邀請嘅人覺得被孤立;有靚相放上網,最好只限相關人士分享。

專業禮儀3:尊重共用空間

喺唔係得你幾個fd子嘅場合,就唔好講啲淨係得你哋自己聽得明又唔關事嘅笑話,pantry、廁所、休息室呢啲係公用空間,唔好俾人誤會你哋霸住嚟講是非、搞小圈子。

小Reminder:分享公事以外嘅事

喺公司又唔使淨係講公事嘅,一啲有趣嘅個人經歷,或者聽咗/學咗啲有趣資訊,都可以喺閒時同同事分享,又或者適當咁分享個人嗜好,等大家有啲深入少少嘅認識,對成個工作環境都有好處架!

keywords Keywords:

You may also like