你已經付出過多的3大徵兆!

TEXT: juju edited by P

幫人係好good,但係超出自己能力範圍咁幫,到頭來對自己同對方都唔健康架!尤其是對啲一向唔係好識say no嘅老好人嚟講。如發現以下呢幾個跡象,就要叫停喇!



1. 你無晒自己時間

如果人哋要做你嘅事,令你無晒時間做自己嘢、見朋友,甚至寢食難安,無心情玩樂,就係一啲好明顯嘅警號!就算你個心好想幫對方,都要量力而為,連自己都照顧唔到,已經係超出晒個人能力範圍嘅情況了。



2. 個個都搵你解決問題

留意下呢啲情況是否經常出現:你自己放工返嚟勁攰,結果仲要花兩個鐘時間聽A朋友呻工作問題、B朋友傾訴感情困擾、阿媽同你鵝你阿爸/兄弟姊妹/其他親戚?如果有類似情況,你可能就係眾人心目中嘅「問題代理人」,難聽啲就係負能量收集站,長期接收負能量,對個人嚟講會造成重大壓力架!



3. 你自己狀態都唔好

有時啲嘢就係咁,你個心都想幫得就幫,人哋向你尋求支援,唔好意思拒絶,但係其實你自己都面對緊好多難關,呢啲時候唔先處理好自己情緒,而走去顧咗人哋先,結果好容易搞到自己負能量爆燈!



唔幫得嘅3大理由:

1. 保護自己同對方

如果對方遇到嘅好複雜,而你根本無咁嘅能力,最好盡早表明,等對方及早搵啱嘅人幫佢,亦可防止自己第日內疚或後悔。



2. 防小人

防止自私心態嘅人騷擾你嘅生活圈。



3. 不再倚賴你

你幫得太多,有時別人會老奉,有時學懂say no,都係停止對方過於倚賴你嘅方法。

keywords Keywords:

You may also like