心理測驗:你最輸唔起啲乜嘢?

TEXT: juju

參加一個聚會,有人在場不停大聲講大聲笑,你覺得有啲騷擾,你會有咩反應:
A. 黑臉
B. 唔會理
C. 潤佢哋
D. 坐喺自己位,大聲訓斥幾句 

分析:
A. 好多嘢都輸唔起
臉子對你嚟講好重要,你自尊心非常強,人哋稍為質疑或有少少挑戰你嘅意味,你都會受唔住,立刻築起一度圍牆,本能反應咁反擊,保護自己。
小建議:多同唔同性格、背景嘅人相處,多表達自己,當你更願意表達自己嘅時候,會容易明白別人多一點,唔會成日擔心人哋係咪有惡意。



B. 金錢上輸唔起
你好識享受,覺得人生苦短,生活要有品質才不枉人生,因此你喺各方面都希望讓自己同家人都生活得好一啲,所以金錢對你嚟講好重要。
小建議:雖然無錢真係萬萬不能,但都要去留意生活中一啲未必要用金錢換來嘅小確幸喔!



C. 喺感情上輸唔起
你感情細膩,亦可以話情感相對脆弱,如果喺情路上出咗問題,你會需要好長時間去療傷,所以如果發現感情出咗問題,你可能會自行決定提早離場。
小建議:無論邊種感情,人與人間相處總會出現大或小嘅問題,有啲問題係可以互相協調解決嘅,風雨過後,感情會變得更堅莊,未必一定會發展到爛攤子嘅地步架!



D. 喺事業上最輸唔起
你可以話係一個工作狂,工作上帶嚟嘅滿足感,例如升職、人工、讚賞,都係你生活嘅原動力,只要你下定決心,你會做好每一件事,但係如果發現被人跣,你會非常唔高興,心情大受困擾。
小建議:事業係重要,但係生活中仲有好多事都可以帶嚟樂趣架!記得要平衡生活,唔好將所有雞蛋放喺同一個籃裏面,咁自己壓力都少啲啦!

keywords Keywords:

You may also like