增加正能量!4件令你幸福感up嘅事

TEXT:韋寶


工作忙碌,或者生活上嘅大小鎖事,都可能令你覺得累極,無法好好享受生活。所以,時不時為自己嘅生活注入正能量,為自己打打氣,先可以令幸福感常在呀!

4件令你幸福感up嘅事包括 :



1.學習睇你擁有啲咩

我哋好多時習慣睇自己缺少咗啲乜,跟住就會覺得唔開心。其實睇睇自己擁有啲乜,你會發現自己擁有嘅比缺少嘅多,應該為自己所擁有嘅嘢感到開心。=p


2.讓自己relax時更放鬆

喺屋企煲劇/睇書/上網嘅時候,不妨點起香薰蠟燭,沖杯茶,營造一個可以令你relax嘅氣氛同環境。



3.設定「玩樂基金」

為每星期設定一個「玩樂基金」嘅金額,可以玩,亦都可以要嚟買嘢,等自己更期待weekend 嘅來臨。


如果有一段時間無動用「基金」,不妨去酒店做spa獎勵自己(小編推介melo spa,感覺好似去咗外地度假咁架),或者食個鐵板燒/日本餐廳嘅師傅發板,豪一次囉!


4.整嘢食 

由簡單嘅美食,好似薯蓉、湯圓、意粉、中式糖水,甚至all day breakfast 整起,過程治癒、有滿足感之餘,又可以同屋企人/朋友分享你親手炮製嘅美食! 

如果唔知點整/唔知煮咩好,可以睇睇網上啲教煮嘢食嘅片,整完仲可以post上網呃like。=P



唔想親手整,可以bookmark 定一啲心儀嘅餐廳,約埋閨蜜一齊去邊食邊傾! 

keywords Keywords:

You may also like